ოკუპირებული აფხაზეთის დე ფაქტო ჯანდაცვის უწყების გადაწყვეტილებით, სოფელ ლაბრაში კარანტინი გამოცხადდა, რომელიც 14 დღეს გაგრძელდება. ამ დროისთვის სოფლის მოსახლეობაში კოვიდინფექციის გამოსავლენად ანალიზების აღება მიმდინარეობს.
გადაწყვეტილება მას შემდეგ მიიღეს, რაც 24 აგვიტოს ერთი პაციენტი გარდაიცვალა, კიდევ ერთ პაციენტს კი კორონავირუსი დაუდასტურდა. დე ფაქტო სამინისტროს ცნობით, 54 წლის მამაკაცმა სამედიცინო დახმარების გამოძახება მე-14 დღეს გადაწყვიტა. ამ დროის განმავლობაში ის სახლში იტარებდა მკურნალობას სიცხის დამწევი პრეპარატით. ექიმი კი მაშინ გამოიძახეს, როდესაც მისი მდგომარეობა გაუარესდა.
ცნობისთვის, სოფელი ლაბრაში 250 ადამიანი ცხოვრობს.
დღეისთვის ე.წ.ოპერატიული შტაბის მონაცემებით, აფხაზეთში კორონავირუსის სულ 247 შემთხვევაა დადასტურებული, აქედან 101 გამოჯანმრთელდა.