მამუკა მდინარაძე - მტერს ჰქვია მტერი და ამ სიტყვის გადახედვა კი არ იგეგმება არასდროს

საპარლამენტო უმრავლესობის ლიდერი მამუკა მდინარაძე „პატრიოტთა ალიანსის“ წევრების ოკუპირებულ აფხაზეთში ჩასვლას ეხმიანება და აცხადებს, რომ ამასთან დაკავშირებით გარკვეული საფრთხეები არსებობს. აქვე დეპუტატი აღნიშნავს, რომ ღიად პრორუსულ ძალებთან ერთად არანაკლებ საფრთხეს წარმოადგენენ ის ძალები, რომლებიც „დეკლარირებენ, რომ პროდასავლელები არიან, თუმცა მთელი თავისი პოლიტიკური ცხოვრების განმავლობაში აკეთებენ რუსულ საქმეს.“

„მე ნამდვილად არ ვიცი დეტალები და არც მინდა რომელიმე ოკუპანტი ქვეყნის წარმომადგენელს ან მათ დავეყრდნო, ვინც ამ ოკუპაციით სარგებლობს, მაგრამ თუ ეს განცხადებები არის რეალური, ეს რა თქმა უნდა, საფრთხეებს შეიცავს, მაგრამ არ უნდა დაგვავიწყდეს, რომ ჩვენ მშვიდობით და განვითარებით უნდა ვიაროთ იმ გზაზე, სადაც დეოკუპაცია არის მიზანიც და არის მიღწევადი შედეგიც. ჩვენ უნდა გვახსოვდეს, რომ დღეს თუ ხვალ დეოკუპაცია მოხდება და ერთადერთი გზა ამის არის განვითარება და მჭიდრო პარტნიორობა საერთაშორისო დასავლელ პარტნიორებთან. ჩემთვის და ჩემი გუნდისთვის წითელი ხაზები იმას ნიშნავს, რომ ოკუპანტთან დაკავშირებით არანაირი პოზიცია არ გადაიხედება, აქ ჩვენ ვართ ძალიან პრაგმატულები და ხისტები და ვიცით, ვინ ვინ არის. მტერს ჰქვია მტერი და ამ სიტყვის გადახედვაც კი არ იგეგმება არასდროს. ნებისმიერი თავმოყვარე ადამიანი ასე იფიქრებს და იაზროვნებს და ასე ვფიქრობთ ჩვენ, მაგრამ დამატებით უნდა ვთქვა, რომ არ უნდა დაგვავიწყდეს ის ხალხიც, რომელიც დამატებით საფრთხეს წარმოადგენს და ერთ შემთხვევაში თუ ჩვენ საქმე გვაქვს, ღიად გამოხატულ დეკლარირებულ პრორუსულ ძალებთან, მეორე შემთხვევაში, არანაკლებ საშიშროებას წარმოადგენს ის ხალხი, რომელიც დეკლარირებენ, რომ ისინი პროდასავლელები არიან და მთელი თავისი პოლიტიკური ცხოვრების განმავლობაში აკეთებენ რუსულ საქმეს. ყოველთვის გავუხსენებ მათ გაყიდულ სტრატეგიულ ობიექტებს რუსეთზე, ოკუპანტ ქვეყანაზე; არ დავიზარებ და გავიხსენებ რეზოლუციას, რომელსაც მხარი დაუჭირეს, სადაც ომიდან ორ თვეში ქართველ სამხედროებს ომის დაწყება დააბრალეს; კიდევ ერთხელ არ გვაქვს კითხვაზე პასუხი, რა მივიღეთ იმით, რომ 2011 წელს, აგვისტოს თვეში მათ მხარი დაუჭირეს რუსეთის ფედერაციის მსოფლიო სავაჭრო ორგანიზაციაში გაწევრიანებას და რა მივიღეთ სანაცვლოდ კაცმა არ იცის, ასე უბრალოდ, ყოველგვარი დათქმის გარეშე და სანაცვლოდ რა მივიღეთ არავინ იცის და ამ ყველაფერის ფონზე, როცა ვლაპარაკობთ პრორუსულ ძალებზე, რომლებიც საფრთხეს წარმოადგენენ ქვეყნისთის, ამავე დროს უნდა ვილაპარაკოთ მათზე, ვინც ასე გარეგნულად თითქოს პროდასავლელები არიან, მაგრამ არანაკლებ რუსული საქმე აქვთ ნაკეთები ამ ქვეყანაში,“ - განაცხადა მდინარაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს