უხანში 1-ელი სექტემბრიდან სკოლები და ბაღები იხსნება

ჩინეთის ქალაქ უხანში 1-ელი სექტემბრიდან სკოლები და ბაღები იხსნება, - ამის შესახებ ინფორმაციას „როიტერსი“ ადგილობრივ ხელისუფლებაზე დაყრდნობით ავრცელებს. სააგენტოს ცნობით, ქალაქის 2 842 სასწავლო დაწესებულება დაახლოებით 1.4 მილიონი მოსწავლისთვის გაიხსნება. რაც შეეხება უხანის უნივერსიტეტს, იქ სწავლა გასული კვირის ორშაბათიდან განახლდა.

ქალაქის ხელისუფლებაში აცხადებენ, რომ საჭიროების შემთხვევაში ონლაინ სწავლებაზე გადართვის საგანგებო გეგმა შემუშავებული აქვთ.

შეგახსენებთ, რომ უხანში, სადაც, სავარაუდოდ, კორონავირუსი გაჩნდა და მსოფლიოს დანარჩენ ნაწილში გავრცელდა, იანვრის ბოლოდან ორ თვეზე მეტი ხნის განმავლობაში კარანტინი იყო გამოცხადებული. ქალაქში, ვირუსს სულ 3 869 ადამიანის სიცოცხლე ემსხვერპლა, რაც ჩინეთში დაღუპულთა საერთო რაოდენობის 80 %-ია. უხანი ცხოვრების ჩვეულ რიტმს აპრილის ბოლოდან დაუბრუნდა. ქალაქში, 18 მაისის შემდეგ, კოვიდ 19-ის შიდა გადაცემის არცერთი შემთხვევა დადასტურებულა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს