ცხინვალის ე.წ. პარლამენტის სპიკერის ინფორმაციით, სამართალდამცავებმა ახალგაზრდა მამაკაცის მკვლელობასთან დაკავშირებულ დანაშაულში მონაწილეები დააკავეს

ოკუპირებული ცხინვალის ე.წ.პარლამენტის სპიკერი ალან თადტაევი აცხადებს, რომ „სამართალდამცავებმა“ ის თანამშრომლები დააკავეს, რომლებიც ახალგაზრდა მამაკაცის მკვლელობასთან დაკავშირებულ დანაშაულში მონაწილეობდნენ, - ამის შესახებ ინფორმაციას სააგენტო RES-ი ავრცელებს.

„სამართალდამცავები საგამოძიებო ღონისძიებებს ახორციელებენ. ამ დანაშაულში მონაწილე ყველა თანამშრომელი დაკავებულია. ყველა მონაწილის დასჯის შესახებ გადაწყვეტილება ამ ღონისძიებების საფუძველზე იქნება მიღებული“, - აღნიშნა ე.წ. სპიკერმა „პარლამენტის“ საგანგებო სხდომაზე, რომელიც დღეს გაიმართა.

შეგახსენებთ, ოკუპირებული „სამხრეთ ოსეთის“ დე ფაქტო პრეზიდენტმა ანატოლი ბიბილოვმა ე.წ. მთავრობა დაითხოვა. ამის შესახებ ე.წ. პარლამენტის სპიკერმა ალან თადტაევმა „დეპუტატების“ საგანგებო შეკრებაზე განაცხადა, რომელიც ოკუპირებულ ცხინვალში მცხოვრები ინალ ჯაბიევის დაკავების შემდეგ გარდაცვალების გამო შედგა. 28 წლის ახალგაზრდა მამაკაცი, ინალ ჯაბიევი ოკუპირებული რეგიონის „სამართალდამცავებმა“ დააკავეს. არსებობს ვარაუდი, რომ ის წამების შედეგად გარდაიცვალა. აღნიშნულს ოკუპირებულ ცხინვალში მოსახლეობის პროტესტი მოჰყვა. ცხინვალის ცენტრში რამდენიმე ასეული ადამიანი შეიკრიბა, სადაც ე.წ. გენერალური პროკურორის, ურუზმაგ ჯაგაევის გადაყენება მოითხოვეს. ადგილობრივი მედიის ინფორმაციით, ცხინვალის ე.წ. „სამართალდამცავმა ორგანოებმა“ უსაფრთხოების ზომები გააძლიერეს, ქალაქში მილიციის რაზმები მორიგეობენ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო