ამირან გამყრელიძის განცხადებით, 2 სექტემბერს, სავარაუდოდ, მესტიისა და ლენჯერის თემი გაიხსნება

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, 2 სექტემბერს, სავარაუდოდ, მესტიისა და ლენჯერის თემი გაიხსნება.

როგორც მან აღნიშნა, ერთი კვირის განმავლობაში იყო 67 ახალი შემთხვევა და 90 ადამიანი გამოჯანმრთელდა.

„დღევანდელი 18 ახალი შემთხვევიდან 7 არის ინფიცირებულთან კონტაქტირებული პირი და 11 არის იმპორტირებული. უფრო და უფრო გაფართოებულია ქვეყანაში ტესტირების მაჩვენებელი. მთლიანად ქვეყანაში ტესტირებულია 376 ათასამდე ადამიანი და დღეში ჩვენ 4800-მდე PCR ტესტირებას ვაკეთებთ. ქვეყანაში ინფექციის თვალსაზრისით, რამდენიმე საყურადღებო წერტილი კვლავ რჩება. ეს არის მესტია, სადაც სიტუაცია უკვე დამშვიდდა, დიდი ალბათობით ოთხშაბათიდან სრულდება კარანტინში მყოფ მოქალაქეთა მე-12 დღეს გამოკვლევა. 85-90%-მა დატოვა საკარანტინო სივრცეები და სულ რამდენიმე ადამიანია, რომლებიც დღეს ხვალ და ზეგ გაიტესტებიან. ვფიქრობ, რომ ორ სექტემბერს მესტიისა და ლენჯერის თემი გაიხსნება“, - განაცხადა გამყრელიძემ.

მისივე თქმით, შავიზღვისპირეთში სულ გაიტესტა 1135 მოქალაქე, საიდანაც მხოლოდ ერთ ადამიანს დაუდასტურდა კორონავირუსი.

გამყრელიძის ინფორმაციით, ამ ადამიანსაც ინფიცირებულთან კონტაქტი ჰქონდა.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს