მცხეთის რაიონულ სასამართლოში გიორგი შაქარაშვილის საქმეში ბრალდებული არასრულწოვნების სასამართლო პროცესი იმართება.

როგორც პროცესის დაწყებამდე პროკურორმა ნანა გუგუტიშვილმა განაცხადა, დღევანდელ პროცესზე ბრალდების მხარე 10 მოწმეს წარმოადგენს. მათ შორის, დაიკითხებიან და კონკრეტული პირების იდენტიფიცრებას მოახდენენ როგორც საგამოძიებო და საპროცესო მოქმედებების ჩამტარებელი გამომძიებლები, ასევე მოწმეები, რომლებიც უშუალოდ იმყოფებოდნენ აგარაკის ტერიტორიაზე.

„აღნიშნულ პირებს მიწოდებული აქვთ ინფორმაცია აგარაკზე განვითარებული მოვლენების შესახებ და მიღებული აქვთ მონაწილეობა დათვალიერებაში, როდესაც ხდებოდა დანაშაულებრივი ქმედება და თავდასხმა. ისინი დღეს მოახდენენ კონკრეტული პირების იდენტიფიცირებას. ბრალდების მხარე შემდეგ პროცესზე მოახდენს დაზარალებულების დაკითხვას,” - აღნიშნა ნანა გუგუტიშვილმა.

შეგახსენებთ, რომ ფეხბურთელ გიორგი შაქარაშვილის გარდაცვალების საქმეზე 17 პირია დაკავებული, მათგან 6 არასრულწლოვანია.