ბელარუსის ოპოზიციის საკოორდინაციო საბჭო ხელისუფლებას პოლიტიკური ნიშნით დაკავებული პირების გათავისუფლებისა და დიალოგის დაწყებისკენ მოუწოდებს.
„დიალოგი ერთადერთი სწორი გადაწყვეტილებაა არსებულ სიტუაციაში და პოლიტიკური კრიზისიდან ერთადერთი შესაძლო გამოსავალია. ეს ნიშნავს, რომ ლუკაშენკომ არა ახალი პოლიტპატიმრები უნდა მოაგროვოს, არამედ გაათავისუფლოს უკვე დაპატიმრებულები და დაიწყოს დიალოგი. უარი უნდა ვთქვათ მტრულ ქმედებებზე და სამშვიდობო მოლაპარაკებები დავიწყოთ. ამის გაკეთება გვიან არ არის ”, - ნათქვამია საკოორდინაციო საბჭოს მიერ გავრცელებულ განცხადებაში.
განცხადების თანახმად, ”დაპატიმრებები, სისხლის სამართლის საქმეები, ცილისწამება და დაშინება, ეს ყველაფერი ომის სიგნალია”. საკოორდინაციო საბჭოს განმარტებით, ხელისუფლებისგან "ზეწოლის შეჩერებას“ ითხოვენ და "დიალოგის დაწყებისა და კონფლიქტებისა და საფრთხეების მოგვარებისკენ მოუწოდებენ".
