უკრაინის საპატიო პატრიარქ ფილარეტს კორონავირუსი დაუდასტურდა. ამჟამად ის მკურნალობის კურსს საავადმყოფოში გადის. „უნიანის“ ინფორმაციით, ამის შესახებ უკრაინის მართლმადიდებელი ეკლესიის კიევის საპატრიარქო იუწყება.

„პატრიარქ ფილარეტს გეგმური ტესტირების დროს, „კოვიდ-19“ დაუდასტურდა. ამჟამად მკურნალობის კურსს საავადმყოფოში გადის. მისი ჯანმრთელობის მდგომარეობა დამაკმაყოფილებელია“, - აღნიშნულია საპატრიარქოს ინფორმაციაში.

უკრაინაში ბოლო დღე - ღამის განმავლობაში, კორონავირუსის 2723 ახალი შემთხვევა გამოვლინდა, რაც ყველაზე დიდი მაჩვენებელია პანდემიის მთლიანი პერიოდის განმავლობაში. მთლიანად, 4 სექტემბრის მონაცემებით, ქვეყანაში 130 951 შემთხვევაა დაფიქსირებული.