ოკუპირებული აფხაზეთი საქართველოში დაწყებულ სამხედრო სწავლებას ეხმაურება და შეშფოთებას გამოთქვამს

ოკუპირებული აფხაზეთის დე ფაქტო საგარეო საქმეთა სამინისტრო საქართველოში დღეს დაწყებულ სამხედრო სწავლება „ღირსეული პარტნიორი 2020“-ს ეხმაურება და „სერიოზულ შეშფოთებას გამოთქვამს“.

„სერიოზულ შეშფოთებას იწვევს საქართველოს შეიარაღებული ძალების ოპერატიული მომზადების ინტენსივობისა და ზრდის მასშტაბები მსგავსი სახის ერთობლივი სწავლებების გზით, სადაც ქართველ სამხედროებს გააჩნიათ შესაძლებლობა გაზარდონ თავისი სამხედრო პოტენციალი და შეიძინონ საბრძოლო ოპერაციების მართვის დამატებითი სიახლეები“ , - აღნიშნულია დე ფაქტო უწყების განცხადებაში.

მათი აზრით, ასეთმა რეგულარულმა სამხედრო სწავლებებმა დასავლეთთან ერთად, შესაძლოა, სერიოზული საფრთხე შეუქმნას სტაბილურობას მსოფლიოსა და სამხრეთ კავკასიაში.

„საქართველოსა და მისი დასავლელი პარტნიორების დესტრუქციულ ქმედებებზე სიმეტრიული პასუხის სახით, აფხაზური მხარე აპირებს წავიდეს რუსეთთან სამხედრო-ტექნიკური თანამშრომლობის გაძლიერების გზით აფხაზეთის რესპუბლიკის თავდაცვისუნარიანობისა და უსაფრთხოების გასაძლიერებლად“ , - ნათქვამია დე ფაქტო უწყების განცხადებაში.

ცნობისთვის, მრავალეროვნული სწავლება „ღირსეული პარტნიორი 2020“ დღეს ვაზიანში, IV მექანიზებული ბრიგადის სამწყობრო მოედანზე საქართველოს სახელმწიფო ჰიმნით ოფიციალურად გაიხსნა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს