„ქართული ოცნების" გადაწყვეტილებები წინასაარჩევნო კამპანიის მიზნებს ემსახურება , - ამის შესახებ პარტია "მოქალაქეების" ლიდერმა ლევან იოსელიანმა განაცხადა, რითაც კორონავირუსთან დაკავშირებით მთავრობის გადაწყვეტილებებს გამოეხმაურა.

„30 მარტს კორონავირუსის 12 შემთხვევა იყო დაფიქსირებული, 31 მარტს 7-ი და ხელისუფლებამ საგანგებო მდგომარეობა გამოაცხადა, საყოველთაო კარანტინი შემოიღო და „კომენდანტის საათი“ აამოქმედა. 2 დღეა ვირუსის შემთხვევების რაოდენობა 40-ს აჭარბებს და იგივე ხელისუფლება სკოლებში სასწავლო პროცესის განახლებას აპირებს”,-აცხადებს იოსელიანი.

მისი თქმით, ხელისუფლება ან მაშინ იტყუეობოდა, ან ახლა.

"მე არ ვარ ამ საქმის სპეციალისტი, მაგრამ ერთი რამე ნათელია ან მაშინ იტყუებოდნენ ან ახლა. მგონია, რომ მაშინაც და ახლაც "ქართული ოცნების" გადაწყვეტილებები წინასაარჩევნო კამპანიის მიზნებს ემსახურება. გაზაფხულზე მზრუნველი მთავრობის იმიჯი მოირგეს, ახლა კი იციან რა, ხალხის ნეგატიური განწყობა ვეღარ ბედავენ იგივე შეზღუდვების დაწესებას. აქედან ერთი დასკვნის გაკეთება შეიძლება, მაშინაც და ახლაც მათი მიზანი წინასაარჩევნო პიარია და ხალხის ჯანმრთელობა ნაკლებად ადარდებთ" - აცხადებს ლევან იოსელიანი, რომლის კომენტარსაც პარტიის პრესსამსახური ავრცელებს.