ირანმა სპარსეთის ყურეში სამხედრო წვრთნები დაიწყო
ირანმა სპარსეთის ყურეში, ჰორმუზის სრუტის ახლოს, სამხედრო წვრთნები - Zolfaghar-99 დაიწყო , - ამის შესახებ ინფორმაციას ირანის სახელმწიფო მედია ავრცელებს.
"სამდღიანი სწავლება მიზნად ისახავს თეირანის სამხედრო ძალის გაუმჯობესებას საგარეო საფრთხეებისა და ნებისმიერი შესაძლო შემოჭრის გასამკლავებლად", - განაცხადა წვრთნების მეთაურმა, ადმირალმა ჰაბიბოლა სარდარმა ირანის ტელევიზიასთან საუბარში.
მისივე თქმით, ირანისგან გაფრთხილების მიღების შემდეგ აშშ-მა იმ ტერიტორიიდან, სადაც წვრთნები მიმდინარეობს, თავისი დრონები გაიყვანა.
მედიის ინფორმაციით, წვრთნებში საზღვაო, საჰაერო და სახმელეთო ძალები, მათ შორის წყალქვეშა გემები და დრონები, მონაწილეობენ.
ბოლო წლების განმავლობაში, ირანის ელიტურ რევოლუციურ გვარდიასა და აშშ-ის სამხედროებს შორის სპარსეთის ყურეში პერიოდულად დაპირისპირება მიმდინარეობს. ვაშინგტონი გვარდიის ფლოტს სრუტეში აშშ-ის სამხედრო გემების შევიწროების მიზნით სწრაფი შეტევითი კატარღების გაგზავნაში ადანაშაულებს.
v-if="article.gallery" v-html="article.gallery"
