გიორგი გახარია - „ქართული ოცნება“ დამაჯერებლად მოიგებს არჩევნებს, „ქართულ ოცნებას“ არ დასჭირდება კოალიცია

„ქართული ოცნება“ დამაჯერებლად მოიგებს არჩევნებს, „ქართულ ოცნებას“ არ დასჭირდება კოალიცია, - ამის შესახებ საქართველოს პრემიერ-მინისტრმა, გიორგი გახარიამ „ქართული ოცნება-დემოკრატიული საქართველოს“ პროპორციული სიის პირველი ოცეულის წარდგენის შემდეგ ჟურნალისტებთან განაცხადა.

გიორგი გახარიას თქმით, „ქართული ოცნების“ მთავარი მიზანია ქვეყანა ეკონომიკურად ძლიერი და დემოკრატიული გახდეს.

„მინდა მადლობა გადავუხადო გუნდს და ბიძინა ივანიშვილს როგორც პარტიის თავმჯდომარეს, ამ დიდი ნდობისთვის. იმის მაგივრად, რომ ახლა ჩვენივე თავის შეფასებები გავაკეთოთ, ამას ამომრჩეველი უჩვენოდაც გააკეთებს. ყველა ყველაფერს კარგად ხედავს. ჩვენი მიზანია სწრაფი ეკონომიკური აღდგენა, რა თქმა უნდა, ადამიანზე ზრუნვა. ჯანმრთელობა, ჯანდაცვა, სოციალური სისტემა, ჩვენი მომავალი, ბავშვების და განათლების სისტემა, ისევე როგორც მოხუცებზე ზრუნვაა. უნდა შევძლოთ რომ ქვეყანა ეკონომიკურად უფრო ძლიერი გახდეს და დემოკრატიული.

„ქართული ოცნება“ დამაჯერებლად მოიგებს არჩევნებს . „ქართულ ოცნებას“ არ დასჭირდება კოალიცია“, - განაცხადა პრემიერმა.

ცნობისთვის, „ ქართულმა ოცნებამ“ პრემიერ-მინისტრობის კანდიდატად და საარჩევნო სიის პირველ ნომრად გიორგი გახარია წარადგინა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს