ნეპალის ორ სოფელში, ძლიერი წვიმის შედეგად გამოწვეულმა მეწყერმა 12 ადამიანის სიცოცხლე იმსხვერპლა, - ამის შესახებ ინფორმაციას „ალ-ჯაზირა“ ავრცელებს.

გამოცემის ცნობით, ამ დროისთვის დაკარგულად 21 ადამიანი ითვლება.

განსაკუთრებით სოფელი ბაჰრაბისე დაზარალდა, სადაც სტიქიამ 100-ზე მეტი სახლი გაანადგურა. სოფელში, ოფიციალური მონაცემებით, დაღუპულია 10 და დაკარგულია 21 ადამიანი. გარდა ამისა, 2 ადამიანი ემხვერპლა მეწყერს ქვეყნის ჩრდილო-დასავლეთის მდებარე სოფელ ბაგლუნგში.

ცნობისათვის, ნეპალში წელს, ივნისი-სექტემბრის მუსონურ სეზონზე, წყალდიდობებსა და მეწყერს 314 ადამიანის სიცოცხლე ემსხვერპლა, დაკარგულია სულ მცირე 111 და დაშავებულია 160 ადამიანი.