„თავისუფალმა საქართველომ“ ახალი კამპანია - „შეიძინე ქართული“ დაიწყო

„თავისუფალი საქართველო“ ქართული პროდუქციის შექმნის მხარდასაჭერ, სრულიად ახალ კამპანიას იწყებს. პარტიის პრესსამსახურის ინფორმაციით, „იაფი მედიკამენტების პროგრამის“ შემდეგ, „თავისუფალი საქართველო“ ნოვატორული ინიციატივით გამოდის, რაც საქართველოში, მეჩაიეობის დარგის რეაბილიტაციასა და მის განვითარებას გულისხმობს.

პარტიის ლიდერის კახა კუკავას განცხადებით, „თავისუფალმა საქართველომ“ კომპანია „ტყიბულის ჩაი“-სთან, უკვე გააფორმა შეთანხმება, რომელიც ქვეყნის მთელ ტერიტორიაზე ქართული ჩაის დისტრიბუციას უახლოეს მომავალში დაიწყებს.

„ბოლო 30 წლის განმავლობაში, საქართველოში ათასობით ჰექტარი ჩაის პლანტაცია განადგურდა, რის შედეგადაც ათიათასობით ადამიანი (როგორც სამრეწველო, ისე აგრარულ სექტორში) უმუშევარი დარჩა, პროდუქციის ადგილი კი, ირანიდან და აზერბაიჯანიდან იმპორტირებულმა უხარისხო პროდუქციამ დაიკავა.

ჩვენ საზოგადოებას მოვუწოდებთ, მხარი დაუჭირონ ეროვნული პროდუქციის განვითარებას და ქართული ნაწარმი შეიძინონ“,- განაცხადა კახა კუკავამ.

„თავისუფალი საქართველოს“ თავმჯდომარის აზრით, ყოველი შეძენილი ქართული პროდუქტი იმას ნიშნავს, რომ ქართველი დედები ლუკმაპურის საშოვნელად უცხოეთში ძიძებად აღარ გაემგზავრებიან და საკუთარი შვილების მოვლისა და აღზრდის საშუალება თავად ექნებათ.

„ჩვენ ტყიბულის ჩაი“-სთან თანამშრომლობას განვაგრძობთ და ეს თანამშრომლობა, მხოლოდ ერთ კომპანიასთან ურთიერთობას არ გულისხმობს. მზად ვართ ჩაის ყველა მწარმოებელთან აქტიურად ვიურთიერთოთ, ასევე ქართული პროდუქტების ყველა მწარმოებელთან. „თავისუფალი საქართველო“ ყველა სავაჭრო სუბიექტს მოუწოდებს, რომ თავიანთ დახლებზე ქართული პროდუქცია პრიორიტეტულად განათავსონ“,- აღნიშნა კახა კუკავამ.

მისივე თქმით, დღეს პირველი ასეთი მაღაზია, სადაც უპირატესად ქართული პროდუქციაა წარმოდგენილი - თბილისში, უზნაძის 105-ში გაიხსნა.

„თბილისელებსა და მის სტუმრებს, განსაკუთრებით კი, დიდუბე-ჩუღურეთის მოსახლეობას მოვუწოდებ, მობრძანდნენ აღნიშნულ მისამართზე და შეიძინონ ქართული პროდუქცია.

2020 წლის არჩევნებში მიღებული მხარდაჭერის მიხედვით, „თავისუფალი საქართველო“ გეგმავს საკანონმდებლო პაკეტის შეტანას, რომელიც ადგილობრივი წარმოების წახალისებას და იმპორტის შეზღუდვას უზრუნველყოფს, რაც საქართველოში სამუშაო ადგილების შექმნის ერთადერთი, უალტერნატივო სტრატეგიაა“,- განაცხადა კახა კუკავამ.

აღნიშნული კამპანიის შესახებ სრული ინფორმაცია დაინტერესებულ პირებს შეუძლიათ იხილონ „თავისუფალი საქართველოს“ ვებ-გვერდზე: www.freegeorgia.ge/products .

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება