დეპუტატი რევაზ არველაძე მიიჩნევს, რომ ჯარიმებთან დაკავშირებული კანონპროექტი, არჩევნების წინ, ელექტორატზე უარყოფითად მოქმედებს და მას ხელისუფლების წინააღმდეგ განაწყობს

საპარლამენტო უმრავლესობის წევრის რევაზ არველაძის განცხადებით, კანონპროექტი, რომელიც ჯარიმებთანაა დაკავშირებული, არჩევნების წინ, ელექტორატზე უარყოფითად მოქმედებს და მას ხელისუფლების წინააღმდეგ განაწყობს.

ამის შესახებ არველაძემ იურიდიულ საკითხთა კომიტეტის სხდომაზე განაცხადა, სადაც "გარემოსდაცვითი პასუხისმგებლობის შესახებ" კანონპროექტი იხილება.

„რამდენად აუცილებელი იყო ახლა, ამ პარლამენტის მუშაობის ბოლო თვეში, ამ კანონპროქტის გამოტანა და ზუსტად არჩევნების წინ? ნებისმიერი კანონი, რომელსაც იღებს პარლამენტი და დაკავშირებულია ჯარიმებთან, პროდუქციის გაძვირებასთან, გადასახადების ზრდას, ეს უარყოფითად მოქმედებს ელექტორატზე. ელექტორატს განაწყობს ხელისუფლების წინააღმდეგ. ერთ-ერთი ასეთია ეს კანონპროექტი, რომელიც რეალურად მხოლოდ ჯარიმებზეა აწყობილი. თან, კანონი შედის 2022- 23 წლიდან სრულად ძალაში და რა აუცილებლობა იყო ახლა მიღების?!"- განაცხადა არველაძემ.

არველაძეს კომიტეტის სხდომაზევე იურიდიულ საკითხთა კომიტეტის თავმჯდომარემ ანრი ოხანაშვილმა უპასუხა და აღნიშნა, რომ მმართველი გუნდისთვის გარემოს დაცვა პრიორიტეტული მიმართულებაა.

ცნობისთვის, კანონპროექტის მიხედვით, გარემოზე ზიანის მიყენების გარდაუვალი საფრთხის ან გარემოზე მიყენებული ზიანის შესახებ ინფორმაციის დამალვა 5 000-დან 10 000 ლარამდე ჯარიმას გამოიწვევს, ხოლო, დაზიანებული გარემოს პირვანდელ მდგომარეობაში აღდგენის ან პირვანდელ მდგომარეობასთან მიახლოებულ მდგომარეობამდე აღდგენის შესაძლებლობის შესახებ ინფორმაციის დამალვა - 5 000 ლარს; ზიანის პრევენციისთვის/შერბილებისთვის აუცილებელი ღონისძიებების გაუტარებლობა 10 000-დან 20 000 ლარამდე, გარემოზე მიყენებული ზიანის შემდგომი გავრცელების თავიდან ასაცილებლად ან შესარბილებლად აუცილებელი ღონისძიებების გაუტარებლობა 20 000-დან 40 000 ლარამდე ჯარიმას ითვალისწინებს.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს