ოკუპირებულ აფხაზეთში კორონავირუსით კიდევ ერთი პაციენტი გარდაიცვალა და ვირუსით დაღუპულთა საერთო რაოდენობა 7-მდე გაიზარდა, - ამის შესახებ ინფორმაციას ადგილობრივი მედია ე.წ. კორონავირუსთან ბრძოლის ოპერატიულ შტაბზე დაყრნობით ავრცელებს.

მათივე ინფორმაციით, 84 წლის ინფიცირებული ქალი, რომლის მდგომარეობაც სახლის პირობებში რამდენიმედღიანი მკურნალობის შემდეგ დამძიმდა, საავადმყოფოში გადაყვანის დროს გარდაიცვალა.

დე-ფაქტო ხელისუფლების ინფორმაციით, პანდემიის გავრცელების დღიდან აფხაზეთში, საერთო ჯამში, ინფიცირების 674 შემთხვევაა დადასტურებული, აქედან 7 ადამიანი დაღუპულია.