ანრი ოხანაშვილი - ქალბატონი სახალხო დამცველი არის სუბიექტური მხარე

ქალბატონი სახალხო დამცველი ამ შემთხვევაში არის სუბიექტური მხარე",- ასე აფასებს საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილი სახალხო დამცველის განცხადებას იმასთან დაკავშირებით, რომ "საერთო სასამართლოების" შესახებ კანონში შესატანი ცვლილებები, რასაც დღეს პირველი მოსმენით საქართველოს პარლამენტი განიხილავს, ეუთო/ოდირის რეკომენდაციებს ვერ პასუხობს.

როგორც ოხანაშვილმა ჟურნალისტებს ნინო ლომჯარიას საპასუხოდ განუცხადა, ომბუდსმენი პროცესის დასრულებას უნდა დაელოდოს და შეფასება შემდეგ გააკეთოს.

"ქალბატონი სახალხო დამცველი ამ შემთხვევაში არის სუბიექტური, ვინაიდან სახალხო დამცველი იყო მხარე საკონსტიტუციო სასამართლოში, როდესაც იურიდიულ საკითხთა კომიტეტი იცავდა პოზიციას ამ ნორმების კონსტიტუციურობასთან დაკავშირებით. შედეგად, ჩვენ დავარწმუნეთ მოსამართლეები, რომ ეს ნორმები, დღეს არსებული რეგულაციები არის სრულიად კონსტიტუციური. ეს იმას ნიშნავს, რომ ნინო ლომჯარიას ოფისი არის სუბიექტური, ვინაიდან ის იყო მხარე. მას სრული უფლება აქვს შეაფასოს, მაგრამ ნუ გაუსწრებს პროცესებს, ვინაიდან ის არის ასევე მონაწილე ფორმატის, სადაც ამ საკითხებზე ვმსჯელობთ. დაელოდოს მეორე მოსმენით როგორი შეჯერებული პოზიციები იქნება წარმოდგენილი და შემდეგ შეაფასოს დაეთანხმება თუ არ დაეთანხმება",- განაცხადა ოხანაშვილმა.

ცნობისთვის, ომბუდსმენი აცხადებს, რომ არსებული ფორმით „საერთო სასამართლოების შესახებ“ კანონპროექტის მიღება ვერ დააკმაყოფილებს და არ იქნება შესაბამისობაში ვენეციის კომისიის და ეუთო/ოდირის რეკომენდაციებთან.

„საერთო სასამართლოების შესახებ“ კანონში ცვლილებების პროექტი პარლამენტში ივლისში დარეგისტრირდა. ახლა პროექტის ინიციატორები მის დაჩქარებულ განხილვას ითხოვენ.

პროექტის გათვალისწინებით, უზენაესი სასამართლოს მოსამართლეობის კანდიდატთა შერჩევის პროცესის ყველა ეტაპზე შემოდის გადაწყვეტილების დასაბუთების სტანდარტი, რომელსაც რაიონულ და სააპელაციო სასამართლოებში მოსამართლეთა განწესების პროცედურის მსგავსად იუსტიციის უმაღლესი საბჭოს მდივანი განახორციელებს. გარდა დასაბუთების სტანდარტისა, ასევე შესაძლებელი იქნება უზენაესი სასამართლოს მოსამართლეობის კანდიდატების შერჩევის ნებისმიერ ეტაპზე იუსტიციის უმაღლესი საბჭოს გადაწყვეტილების საკვალიფიკაციო პალატაში გასაჩივრება. თუმცა, თავად ეს პროცესი განსხვავებით რაიონულ და სააპელაციო სასამართლოებში მოსამართლეთა განწესების შემთხვევისა, როდესაც მოსამართლის თანამდებობაზე განწესების შესახებ გადაწყვეტილებას თავად იუსტიციის საბჭო იღებს, უფრო შემჭიდროვებული ვადის ფარგლებში განხორციელდება.„საერთო სასამართლოების შესახებ კანონპროექტის“ ცვლილებების ინიციატორები არიან პარლამენტის წევრები: ირაკლი კობახიძე, გურამ მაჭარაშვილი და რატი იონათამიშვილი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება