რომან გოცირიძის განცხადებით, კვლევები აჩვენებს, რომ ხელისუფლება იცვლება ოპოზიციის გაერთიანების შედეგად ჩამოყალიბებული კოალიციით

ფრაქცია “ნაციონალური მოძრაობის” თავმჯდომარის, რომან გოცირიძის განცხადებით, Edison Research-ის კვლევა აჩვენებს, რომ საქართველოში ხელისუფლება იცვლება ოპოზიციის გაერთიანების შედეგად ჩამოყალიბებული კოალიციური ხელისუფლებით.

გოცირიძის თქმით, კვლევის შედეგად გამოკვეთილი ტენდენცია მიანიშნებს, რომ საზოგადოებას ხელისუფლების შეცვლა უნდა.

“Edison Research-ის კვლვა კიდევ ადასტურებს იმ ფაქტს, რომ ხალხს უნდა ხელისუფლების შეცვლა. ამას აჩვენებს როგორც პირდაპირი ინდიკატორები, ასევე ის განწყობები, რომლებიცაა საზოგადოებაში იმ შეფასების სახით, რასაც ამბობენ ჩვენი მოქალაქეები, რომ ქვეყანა ვითარდება არასწორი მიმართულებით. გარდა ამისა, კონკრეტული ოლქების მიხედვით ჩატარებული კვლევაც ადასტურებს ხელისუფლების შეცვლის განწყობილებას, თუნდაც ის შედეგები, რაც ვიხილეთ მაჟორიტარულ ოლქებში. მაგალითად, გლდანში, სადაც უდიდესი უპირატესობით უსწრებს ნიკა მელია “ქართული ოცნების” წარმომადგენელს. ეს კვლევა არის იმის მაჩვენებელი, რომ საქართველოში ხელისუფლება იცვლება კოალიციური ხელისუფლებით, ოპოზიციის გაერთიანების შედეგად ჩამოყალიბებული ხელისუფლებით”,- განაცხადა გოცირიძემ.

კითხვაზე, თუ რა შანსები აქვს 2020 წლის საპარლამენტო არჩევნებზე კონკრეტულად “ნაციონალურ მოძრაობას”, გოცირიძის თქმით, არჩევნები დამთავრდება ოპოზიციის გამარჯვებით.

“ოპოზიციაში ნებისმიერი გამოკითხვებით, “ნაციონალური მოძრაობა” არის მთავარი ოპოზიციური პარტია, ეს არის ორჯერ ორი ოთხი, მაგრამ ჩვენ არ ვაკეთებთ ახლა კონცენტრირებას მხოლოდ “ნაციონალურ მოძრაობაზე”. ამ ხელიაუფლებას ცვლის გაერთიანებული ოპოზიცია. ეს კვლევები არის პირველი დამაიმედებელი შედეგები ქვეყნისათვის და საგანგაშო შედეგები “ქართული ოცნების” ხელისუფლებისთვის”,- განაცხადა გოცირიძემ.

გოცირიძის თქმით, თუ ხელისუფლება არჩევნების გაყალბებას ეცდება, ის დაასრულებს ძალიან ცუდად.

“როდესაც ყველა კვლევა გვაჩვენებს, რომ ოპოზიციის ჯამური რეიტინგი არის მნიშვნელოვნად მეტი ვიდრე “ქართული ოცნების”, ასეთ პირობებში “ქართულ

ოცნებას” დარჩა ერთადერთი რამ - არჩევნების გაყალბება. ამ გაყალბებისთვის იყენებს საკუთარ ჯიბის ორგანიზაციებს, რომლებიც ისეთ არასერიოზულ რიცხვებს დებენ, როგორიცაა “ქართული ოცნების” 50% და უფრო მაღალი. ეს არის შესამზადებელი სვლები არჩევნების გასაყალბებლად. თუკი იქნეა ასეთი მცდელობა, “ქართული ოცნების” ხელისუფლება დაამთავრებს ძალიან ცუდად”,- განაცხადა გოცირიძემ.

ცნობისთვის, Edison Research-ის კვლევის მიხედვით, მაჟორიტარ კანდიდატებს შორის გლდანში ნიკა მელია, ვაკეში ელენე ხოშტარია, მთაწმინდაზე კი ბექა ოდიშარია ლიდერობენ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს