ანრი ოხანაშვილი ოპოზიციაზე - საკომიტეტო თუ პლენარულ სხდომებზე წარმოადგინონ შინაარსობრივი შენიშვნა და პოლიტიკურად ნუ პარაზიტობენ

ოპოზიციის წარმომადგენლებს თუ რაიმე შინაარსობრივი შენიშვნა ან მოსაზრება აქვთ, კეთილი ინებონ და საზოგადოება ხელფასს რაშიც უხდის, საპარლამენტო საქმიანობის განხორციელებაში, მიიღoნ მონაწილეობა”, - ასე ეხმაურება იურიდიულ საკითხთა კომიტეტის თავმჯდომარე ანრი ოხანაშვილი ოპოზიციის წარმომადგენლების კრიტიკას “საერთო სასამართლოების შესახებ“ კანონში შესატანი ცვლილებების შესახებ.

ოხანაშვილის თქმით, ოპოზიცია “პოლიტიკურად პარაზიტობს”.

“საკომიტეტო თუ პლენარული სხდომის დროს წარმოადგინონ შინაარსობრივი შენიშვნა ან მოსაზრება და ნუ პარაზიტობენ პოლიტიკურად. ისინი იღებენ ხელფასს და არაფერს არ აკეთებენ სანაცვლოდ. მინიმალური სტანდარტი, რაც პარლამენტის წევრმა უნდა დააკმაყოფილოს, ეს არის საკომიტეტო სხდომებში მონაწილეობის მიღება და არა ისე, რომ თურმე ბოიკოტს აცხადებენ და რეალურად ხელფასს იღებენ. თუ მოვლენ და კეთილს ინებებენ, რა ვალდებულებაც მათ აკისრიათ, როგორც პარლამენტის წევრებს, ჩაერთვებიან შინაარსობრივ განხილვაში, სიამოვნებით მოვისმენთ მათ პოზიციებს”, - განაცხადა ოხანაშვილმა.

ცნობისთვის, პარლამენტმა „საერთო სასამართლოების შესახებ“ ორგანულ კანონში ცვლილებებს პირველი მოსმენით მხარი დაუჭირა. კანონპროექტს ხმა 81-მა დეპუტატმა მისცა.

ცვლილებებით უზენაესი სასამართლოს მოსამართლეთა შერჩევის პროცესში იუსტიციის უმაღლესი საბჭოს მიერ მიღებული გადაწყვეტილების დასაბუთებისა და გასაჩივრების ახალი სტანდარტები დგინდება.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე