ანატოლი ბიბილოვი - პრეზიდენტად 500 კაცს არ ავურჩევივარ, მუშაობას მომავალ არჩევნებამდე გავაგრძელებ

ოკუპირებული ცხინვალის ე.წ. „პრეზიდენტი“ ანატოლი ბიბილოვი აცხადებს, რომ არ აპირებს დათანხდეს ოპოზიციის მოწოდებას და „საპრეზიდენტო ვადის“ ამოწურვამდე „თანამდებობა“ დატოვოს.

„პრეზიდენტად 500 კაცს არ ავურჩევივარ, პრეზიდენტი გააგრძელებს მუშაობას მომავალ არჩევნებამდე, რომელიც 2022 წლისთვისაა დაგეგმილი,“- აღნიშნა ბიბილოვმა პრესკონფერენციაზე.

მისივე თქმით, ზოგიერთ ე.წ. „დეპუტატს“ ადამიანის ტრაგედია პოლიტიკურ სიბრტყეში გადააქვს.

შეგახსენებთ, ოკუპირებულ ცხინვალის რეგიონში საპროტესტო გამოსვლები რამდენიმე კვირის წინ, ცხინვალის მილიციის იზოლატორში 28 წლის ინალ ჯაბიევის დაღუპვის შემდეგ დაიწყო. მომიტინგეები, რომლებსაც მხარს ე.წ. ოპოზიციური პარტიების წარმომადგენლები უჭერენ, დე ფაქტო პრეზიდენტის - ანატოლი ბიბილოვისა და ე.წ. გენერალური პროკურორის ურუზმაგ ჯაგაევის გადადგომას, ძალოვანი უწყებების ძირეულ რეფორმირებასა და ინალ ჯაბიევის მკვლელობაში მონაწილე პირების უმკაცრესად დასჯას მოითხოვენ. პროტესტის ფონზე ბიბილოვმა ჯერ ე.წ. შსს მინისტრი იგორ ნანიევი გაათავისუფლა პოსტიდან, შემდეგ კი ოკუპირებული ცხინვალის რეგიონის ე.წ. პრემიერ-მინისტრი ერიკ ფუხაევი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება