ანრი ოხანაშვილი - სამწუხარო რეალობაა, რომ ასეთი ოპოზიცია არსებობს მე-9 მოწვევის პარლამენტში

იურიდიულ საკითხთა კომიტეტის სხდომაზე "საერთო სასამართლოების შესახებ" ორგანულ კანონში შესატანი ცვლილებები მეორე მოსმენით განიხილეს. როგორც კომიტეტის თავმჯდომარემ ანრი ოხანაშვილმა ჟურნალისტებს განუცხადა, ამ ცვლილებების ძირითადი არსი უზენაესი სასამართლოს მოსამართლეთა არჩევის წესის შემდგომ დაზუსტებაში მდგომარეობს, კერძოდ, ეს ეხება იუსტიციის უმაღლესის საბჭოს ეტაპზე მოსამართლეთა შერჩევის დასაბუთების, გასაჩივრებისა და კენჭისყრის ღიაობის საკითხებს.

"ამ მიმართულებით წარმოდენილი კანონპრპექტი მთელ რიგ დაზუსტებებს ითვალისწინებს. საკითხთან მიმართებით კონსულტაციებს გავდივართ საერთაშორისო პარტნიორებთან. შესაბამისად, მიგვაჩნია, რომ საბოლოო რედაქცია იქნება შეჯერებული ვერსია, რომელიც ასევე იქნება გაზიარებული ჩვენი საერთაშორისო პარტნიორების მხრიდან.ეს კიდევ ერთხელ გაუსვამს ხაზს იმას, რომ ის საკითხები, რომელთა დაზუსტების საჭიროებაც იდგა ამ ცვლილებების შედეგად, საბოლოოდ დაზუსტდება", - განაცხადა ოხანაშვილმა.

მისი თქმით, სამწუხაროა, რომ კომიტეტს არ დაესწრო საპარლამენტო ოპიზიციის არცერთი წევრი, რაც მითუთითებს იმას, რომ მათ სასამართლო სისტემის შემდგომი გაძლიერების არანაირი ინტერესი აქვთ.

"ისინი მხოლოდ ლიტონი სიტყვებით შემოიფარგლებიან და საუბრობენ, რომ სურთ სასამართლოს შემდგომი რეფორმები.თუმცა, როდესაც საქმე საქმეზე მიდგება საგნობრივ განხილვაში არ მონაწილეობენ და არანაირ შინაარსობრივ აზრს არ გვთავაზობენ. ძალიან სამწუხარო რეალობაა, რომ ასეთი საპარალმენტო ოპოზიცია არსებობს საქართველოს მე-9 მოწვევის პარლამენტში",- განაცხადა ოხანაშვილომა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა