ოკუპირებულ აფხაზეთში ბოლო დღე-ღამის განმავლობაში ჩატარებული 93 ადამიანის ტესტირების შედეგად, 26 მათგანს კორონავირუსი დაუდასტურდა. ამის შესახებ „სპუტნიკი“ ე.წ. ოპერატიულ შტაბზე დაყრდნობით იუწყება.
ამ დროისთვის, გუდაუთის საავადმყოფოში 72 კოვიდინფიცირებული პაციენტი მკურნალობს, რომელთაგან შვიდის მდგომარეობა მძიმეა, 19-ის კი, საშუალო სიმძიმის. ამბულატორიაში გამოჯანმრთელებულთა რაოდენობა 8-ით გაიზარდა, თვითიზოლაციაში 20 ადამიანი.
შესაბამისად, ოკუპირებულ აფხაზეთში კოვიდინფიცირებულთა რაოდენობა 782-მდე გაიზარდა. გამოჯანმრთელებულთა რაოდენობა 226 შეადგენს. მთლიანობაში, კორონავირუსით გარდაცვლილია 7 ადამიანი.