რუსეთის პრეზიდენტი ვლადიმერ პუტინი ოკუპირებული „სამხრეთ ოსეთის“ ე.წ. პრეზიდენტს ანატოლი ბიბილოვს „რესპუბლიკის დღეს“ ულოცავს და იმედს გამოთქვამს, რომ მოსკოვსა და ცხინვალს შორის მომავალშიც გაგრძელდება მოკავშირეობისა და ინტეგრაციის შეთანხმების განვითარება.
„ოცდაათი წლის წინ სამხრეთ ოსეთის ხალხმა, რომელმაც მამაცურად გადალახა მძიმე განსაცდელები, მოიპოვა თავისუფლებისა და დამოუკიდებლობის უფლება. რუსეთი, თავის მხრივ, განაგრძობს სამხრეთ ოსეთის ყოველმხრივ დახმარებას აქტუალური სოციალურ-ეკონომიკური ამოცანების გადაჭრაში, ასევე ეროვნული უსაფრთხოების უზრუნველყოფაში“, - ნათქვამია ვლადიმერ პუტინის ბიბილოვისადმი მისალოც წერილში.
ოკუპირებულ „სამხრეთ ოსეთში“ 20 სექტემბერს ე.წ. რესპუბლიკის დღე აღინიშნება.