რომან გოცირიძე - რა არის ამაში გასაკვირი, რომ ვიბრძვით მაქსიმალური შედეგებისათვის? - თუ ამას ვერ მივაღწევთ, მოგვიწევს კოალიცია, აბა ივანიშვილს ხომ არ დავტოვებთ ხელისუფლებაში?

რა არის ამაში გასაკვირი, რომ ვიბრძვით მაქსიმალური შედეგებისათვის? თუ ეს არ იქნა მიღწეული, რა თქმა უნდა, მოგვიწევს კოალიციის შექმნა, აბა ივანიშვილს ხომ არ დავტოვებთ ხელისუფლებაში? - ამის შესახებ ფრაქცია „ნაციონალური მოძრაობის” თავმჯდომარე რომან გოცირიძემ მიხეილ სააკაშვილის განცხადების კომენტირებისას განაცხადა.

გოცირიძის თქმით, სააკაშვილის განცხადება, არასწორადაა აღქმული.

„არ მგონია, რომ მთლად ზუსტად იქნა გაგებული ეს განცხადება. აქ ძალიან მარტივად დგას საკითხი. კოალიციის გარეშე ხელისუფლებას აყალიბებს ის პარტია, რომელიც იმარჯვებს ცალკე და 51%-ს იღებს. თუ გაიმარჯვებს „ნაციონალური მოძრაობა” ამ ზომით, არ დასჭირდება მას კოალიცია. ეს არის ჩვენი მთავარი მიზანი ახლა და წინასაარჩევნოდ ჩვენი ტაქტიკა. რა არის ამაში გასაკვირი, რომ ვიბრძვით მაქსიმალური შედეგებისათვის? თუ ეს არ იქნა მიღწეული, რა თქმა უნდა, მოგვიწევს კოალიციის შექმნა, აბა ივანიშვილს ხომ არ დავტოვებთ ხელისუფლებაში?”- განაცხადა გოცირიძემ.

რაც შეეხება ოპოზიციის სხვა წარმომადგენლების შეფასებას სააკაშვილის განცხადებასთან დაკავშირებით, გოცირიძის განცხადებით, ახლა „ზედმეტი კინკლაობა „ქართული ოცნების” წისქვილზე ასხამს წყალს”.

„არ მგონია არჩევნებამდე ერთი თვით ადრე ოპოზიციურ ფლანგზე ვნებათაღელვა საარჩევნო სტრატეგიის სასურველი მიმართულება იყოს“, - განაცხადა გოცირიძემ.

შეგახსენეთ, ყოფილი პრეზიდენტი მიხეილ სააკაშვილი სოციალურ ქსელში წერს, რომ საქართველოს შემდგომი მთავრობა აუცილებლად უნდა იყოს მაქსიმალურად ფართო სოციალურ-პოლიტიკური ინტერესებით წარმოდგენილი და ინკლუზიური.

„მინდა მივმართო კოლეგებს სხვა ოპოზიციური პარტიებიდან თუ სხვადასხვა ჯგუფებიდან - თავიდანვე ჩვენი შეთავაზება იყო ერთიანი სიის ფორმირება და ივანიშვილის ამ გზით დამარცხება. რადგან ეს ამ ფორმით არ გამოვიდა, ბუნებრივია, „ნაციონალური მოძრაობა” ამ არჩევნებზე იბრძვის მაქსიმალური რაოდენობის ხმების და ამავე დროს უმრავლესობის მოსაპოვებლად.

აქვე უნდა ითქვას, რომ ვფიქრობ, ახლა ბევრად უკეთესი იქნება მთავარ მიზანზე კონცენტრირება და ის, რომ ერთმანეთისთვის ე.წ. მეგობრული ცეცხლის გახსნით არ დავაზიანოთ საერთო ინტერესები“, -აცხადებს სააკაშვილი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება