ანზორ ერქომაიშვილის სახელობის სასტიპენდიო კონკურსის გამარჯვებული გამოვლინდა

განათლების, მეცნიერების, კულტურისა და სპორტის სამინისტროს ინიციატივით დაარსებული ანზორ ერქომაიშვილის სახელობის სტიპენდიის მფლობელი თბილისის სახელმწიფო კონსერვატორიის დოქტორანტი, დირიჟორი და მუსიკოლოგი შიო აბრახამია გახდა,- აღნიშნულ ინფორმაციას განათლების სამინისტრო ავრცელებს.

უწყების ინფორმაციით, შიო აბრახამიას ანზორ ერქომაიშვილის სახელობის სტიპენდიატობა განათლების, მეცნიერების, კულტურისა და სპორტის მინისტრმა მიხეილ ჩხენკელმა მიულოცა.

„მსურს, მთელი გულით მივულოცო შიო აბრახამიას ანზორ ერქომაიშვილის სახელობის კონკურსის სტიპენდიატობა. ეს კონკურსი ბატონი ანზორის უდიდესი დამსახურების აღსანიშნავად, სწორედ ჩვენი სამინისტროს ინიციატივით, თბილისის სახელმწიფო კონსერვატორიაში დაფუძნდა; ბატონი შიო მუსიკის კვლევის დარგში პირველი დოქტორანტია, რომელსაც ეს პრიზი გადაეცა. ქართული პროფესიული საგუნდო მუსიკის კვლევა მართლაც რომ საშვილიშვილო საქმეა. მინდა წარმატება ვუსურვო ბატონ შიოს საქმიანობაში და დიდი იმედი მაქვს, რომ იგი ღირსეულად ატარებს ანზორ ერქომაიშვილის სახელობის სტიპენდიატის სახელს“,-განაცხადა მიხეილ ჩხენკელმა.

მათივე ცნობით, ანზორ ერქომაიშვილის სახელობის სტიპენდიის დაარსების ინიციატივა მინისტრმა, მიხეილ ჩხენკელმა 10 აგვისტოს ოზურგეთში მომღერლის, ლოტბარის, კომპოზიტორის, მსოფლიოს სხვადასხვა არქივში მიმობნეული ქართული სიმღერების ჩანაწერების მომძიებლისა და გამომცემლის, ანსამბლების – „რუსთავისა“ და „მართვეს“ დამაარსებლის, ანზორ ერქომაიშვილის 80 წლის საიუბილეო ღონისძიებაზე გააჟღერა. ანზორ ერქომაიშვილის სახელობის სტიპენდია ტრადიციული მუსიკის კვლევის დარგში საუკეთესო აკადემიური მოსწრების სტუდენტს გადაეცემა. სტიპენდიის მიმნიჭებელმა კომისიამ გამარჯვებული 17 სექტემბერს გამოავლინა. შიო აბრახამია 2020-2021 სასწავლო წლის განმავლობაში ყოველთვიურად მიიღებს სტიპენდიას 200 ლარის ოდენობით.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა