საფრანგეთის განვითარების სააგენტოს ექსპერტები საქართველოს რამდენიმე რეგიონის განვითარების პროექტებზე მუშაობენ

საქართველოს რეგიონული განვითარებისა და ინფრასტრუქტურის სამინისტრო, საფრანგეთის განვითარების სააგენტოს (AFD) მხარდაჭერით, აგრძელებს მუშაობას სამცხე-ჯავახეთის რეგიონში აბასთუმნისა და მიმდებარე ტერიტორიების, ასევე რაჭა-ლეჩხუმის და ქვემო სვანეთის განვითარების პროექტზე. ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

უწყების ცნობით, საფრანგეთის განვითარების სააგენტომ შეარჩია ექსპერტთა საკონსულტაციო ჯგუფი, რომლის ამოცანაა შეისწავლოს და მოამზადოს პროექტის ტექნიკურ-ეკონომიკურ დასაბუთება, სადაც თავმოყრილი და შეფასებული იქნება რეგიონების განვითარების თვალსაზრისით არსებული შესაძლებლობების გამოყენების გზები. მათივე ინფორმაციით, დამუშავდება წინადადებები, რომელიც ბიძგს მისცემს როგორც სოფლის მეურნეობის ადგილობრივი დარგების, ასევე მომსახურების სფეროს განვითარებას.

„ექსპერტთა ჯგუფის წევრები ეწვივნენ სამცხე-ჯავახეთის და რაჭა-ლეჩხუმის და ქვემო სვანეთის რეგიონებს, სადაც ადგილზე გაეცნენ სოციალურ-ეკონომიკურ ვითარებას, გამართეს შეხვედრები სახელმწიფო რწმუნებულის ადმინისტრაციებში და მოისმინეს ინფორმაცია არსებული გამოწვევების შესახებ. ექსპერტთა ჯგუფთან შემაჯამებელი შეხვედრა საქართველოს რეგიონული განვითარებისა და ინფრასტრუქტურის სამინისტროში გაიმართა. ექსპერტებმა სამინისტროს ხელმძღვანელობას გაუზიარეს კონცეპტუალური ხედვა სოციალური და ეკონომიკური განვითარების მიზნით არსებული და პოტენციური შესაძლებლობების შესახებ. ჯგუფის წევრებმა მინისტრის მოადგილესთან - მზია გიორგობიანთან ერთად განიხილეს მოსაზრებები, როგორც სოფლის მეურნეობის ადგილობრივი დარგების, ასევე ტურიზმის განვითარების შესაძლებლობების შესახებ. სპეციალისტების აზრით, ამ მიმართულებით მნიშვნელოვანი პოტენციალი გააჩნია როგორც აბასთუმანს, ასევე რაჭა-ლეჩხუმსა და ქვემო სვანეთს. ხაზი გაესვა ადგილობრივი მცირე და საშუალო საფერმერო მეურნეობების განვითარების მნიშვნელობას და ამ მიზნით დაფინანსების ახალი სქემების მომზადებას, ახალი ინიციატივების ხელშეწყობას, წარმოების ჯაჭვის შექმნა, რაც სოფლის მეურნეობის ადგილობრივი დარგების განვითარებას შეუწყობს ხელს“,- აღნიშნულია ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა