მედიის ინფორმაციით, ოკუპირებულ „სამხრეთ ოსეთში“ 30 აგვისტოს შემდეგ კორონავირუსით ინფიცირების ერთი შემთხვევა გამოვლინდა

ოკუპირებულ ე.წ. სამხრეთ ოსეთში, რუსეთთან საზღვრის გახსნის შემდეგ, კორონავირუსის პირველი შემთხვევა გამოვლინდა. დაინფიცირებული მამაკაცი სოფელ წინაგარას მკვიდრია, რომელიც საავადმყოფოში გადაიყვანეს. ამის შესახებ სააგენტო „რესი“ ე.წ. ჯანდაცვის მინისტრის მოადგილეზე ალა გაგლოევაზე დაყრდნობით იუწყება.

მისი თქმით, 50 წლის მამაკაცს ორმხრივი ფილტვების ანთება და მაღალი სიცხე აქვს.

ავადმყოფის მდგომარეობა საშუალო სიმძიმისაა. მიმდინარეობს მისი საკონტაქტო წრის გამოვლენა. დაინფიცირებულის განცხადებით, ჩრდილოეთ ოსეთიდან დაბრუნდა, სადაც ერთი დღის განმავლობაში იმყოფებოდა.

ოკუპირებულ ცხინვალის რეგიონსა და რუსეთს შორის ე.წ. საზღვარი 15 სექტემბერს გაიხსნა, რომელიც მანამდე ნახევარი წლის განმავლობაში ჩაკეტილი იყო.

პანდემიის დაწყებიდან ე.წ. სამხრეთ ოსეთში კორონავირუსის 90 შემთხვევა გამოვლინდა. ყველა მათგანი გამოჯანმრთელდა. 30 აგვისტოს შემდეგ კოვიდ-19 დე ფაქტო რესპუბლიკაში არ დაფიქსირებულა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს