ოკუპირებულ აფხაზეთში ბოლო დღე-ღამის განმავლობაში ჩატარებული 236 ადამიანის ტესტირების შედეგად, 68 მათგანს კორონავირუსი დაუდასტურდა. ამის შესახებ „სპუტნიკი“ ე.წ. ოპერატიულ შტაბზე დაყრდნობით იუწყება.
ამ დროისთვის, გუდაუთის საავადმყოფოში 99 კოვიდინფიცირებული პაციენტი მკურნალობს, რომელთაგან 13-ის მდგომარეობა მძიმეა, 23-ის კი, საშუალო სიმძიმის. გამოჯანმრთელდა 6 პაციენტი.
შესაბამისად, ოკუპირებულ აფხაზეთში კოვიდინფიცირებულტა რაოდენობა 1245-მდე გაიზარდა. გამოჯანმრთელებულთა რაოდენობა 366 შეადგენს. მთლიანობაში, კორონავირუსით გარდაცვლილია 8 ადამიანი.