ოკუპირებულ „სამხრეთ ოსეთში“ 26 ადამიანის ტესტირების შედეგად, ორი დადებითი პასუხი დაფიქსირდა. სააგენტო „რესის“ ინფორმაციით, კორონავირუსი ცხინვალის „პოტრებნადზორის“ კომიტეტის თავმჯდომარის მოადგილეს ანა გაგლოევას და რუს სამხედრო მოსამსახურეს დაუდგინდა.

ორივე მათგანი მკურნალობას ამბულატორიულად გადის.

15 სექტემბრიდან, მას შემდეგ, რაც რუსეთთან ე.წ. საზღვარი გაიხსნა, 93 ტესტი გაკეთდა, რის შედეგადაც სამ ადამიანს კორონავირუსი დაუდასტურდა.

პანდემიის დაწყებიდან დღემდე, ოკუპირებულ ე.წ. სამხრეთ ოსეთში კორონავირუსის 93 შემთხვევა დადასტურდა.