ჯანდაცვის მინისტრის მოადგილის განცხადებით, აჭარიდან სხვა რეგიონებში კორონავირუსის ფართოდ გავრცელებას ადგილი არ აქვს

ჯანდაცვის მინისტრის მოადგილის, თამარ გაბუნიას განცხადებით, აჭარიდან სხვა რეგიონებში კორონავირუსის ფართოდ გავრცელებას ადგილი არ აქვს.

როგორც გაბუნიამ ჟურნალისტებს განუცხადა, ბათუმში შემთხვევების მატება გეომეტრიული პროგრესიით არ ხდება და მდგომარეობა სტაბილურდება.

„შემთხვეევბის მატება აღინიშნება ძირითადად ბათუმის ხარჯზე. კეთილსაიმედო პროგნოზის მაჩვენებელი არის ის, რომ შემთხვევების მატება არ არის ბათუმში გეომეტრიული პროგრესიით და დღეების განმავლობაში 2 ან 3 ათეულია. მე გუშინ დავბრუნდი ბათუმიდან. იქ მდგომარეობა სტაბილიზირებას უახლოვდება და ვფიქრობთ, მოკლე ხანში უფრო უკეთესი პროგნოზის მაჩვენებელი გვექნება აჭარის რეგიონიდან.

რაც შეეხება ზოგადად, გარკვეული მატება იყო იმერეთშიც. აჭარიდან სხვა რეგიონებში ინფექციის ფართო გავრცელების სურათი არ გვაქვს. ამდენად ჩვენი მთავარი სტრატეგია მიმართულია ბათუმისკენ და შემთხვევების სტაბილიზაციისკენ“,- განაცხადა გაბუნიამ.

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა