ოკუპირებული „სამხრეთ ოსეთის“ ე.წ. მთავარი სანიტარული ექიმი მარინა კოჩიევა კორონავირუსით დაინფიცირდა და მუშაობის დისტანციურ რეჟიმზე გადავიდა. ამის შესახებ სააგენტო „რესი“ იუწყება.
პარასკევს ცნობილი გახდა, რომ კოვიდ-19 დაუდგინდა კოჩიევას მოადგილეს ანა გაგლოევას.
ე.წ. სამხრეთ ოსეთში, 15 სექტემბრიდან, მას შემდეგ, რაც რუსეთთან ე.წ. საზღვარი გაიხსნა, 100-ზე მეტი ტესტი ჩატარდა. მთლიანობაში, დღევანდელი მონაცემებით, ოკუპირებულ რეგიონში, სულ, კორონავირუსის 94 შემთხვევა გამოვლინდა. 90 ადამიანი ორკვირიან სავალდებულო კარანტინში იმყოფება.