სერგი კაპანაძე - ბიძინა ივანიშვილი აშკარად გრძნობს, რომ ძალაუფლებას კარგავს და ახლა აგონიაშია

ბიძინა ივანიშვილი აშკარად გრძნობს, რომ ძალაუფლებას კარგავს და ახლა აგონიაშია. აპირებს, რომ გამოიყენოს მის ხელთ არსებული ყველა არალეგალური საშუალება, - ამის შესახებ „ევროპული საქართველოს“ ერთ-ერთმა ლიდერმა სერგი კაპანაძემ განაცხადა.

როგორც კაპანაძე განმარტავს, მომავალში პოლიტიკური მიზნებისთვის არცერთმა ხელისუფლებამ ძალადობა არ უნდა გამოიყენოს.

„ბოლო პერიოდში მომხდარი ინციდენტები და ზოგადად, ის ძალადობრივი გარემო, რომელსაც ივანიშვილი ქმნის არჩევნების წინ და რაც ასახულია „სამართლიანი არჩევნების“ მოხსენებაშიც, ეს არის იმის მაჩვენებელი, რომ ივანიშვილი აშკარად გრძნობს, რომ ძალაუფლებას კარგავს და ახლა აგონიაშია. აპირებს, რომ გამოიყენოს მის ხელთ არსებული ყველა არალეგალური საშუალება - მოსყიდვა, დაშინება, ძალადობა და სხვა. ვნახეთ, გუშინ, „ევროპული საქართველოს“ აქტივისტს მარნეულში საფანტი როგორ ესროლეს, მანამდე ვნახეთ სხვა ოპოზიციურ ლიდერებზე და მათი შტაბის წევრებზე თავდასხმები. ეს ყველაფერი აუცილებლად დამთავრდება 31 ოქტომბერს, არასდროს მომავალში არ განმეორდება და გარდამტეხი ცვლილება სწორედ ეს იქნება, რომ არცერთმა ხელისუფლებამ მომავალში ძალადობა არ გამოიყენოს თავისი პოლიტიკური მიზნებისთვის“, - განაცხადა კაპანაძემ.

კითხვაზე, „სამართლიანი არჩევნების“ კვლევაში მითითებული ფაქტი, რომ ამომრჩევლების მოსყიდვა „ევროპული საქართველოს“ მხრიდანაც ხდება, კერძოდ, კი მოქალაქეებისთვის უფასო იურიდიული მომსახურების გაწევის სახით, სერგი კაპანაძე პასუხობს, რომ ეს კვლევაში აღწერილ დარღვევებთან შედარებით, მეათასეხარისხოვანია.

„კანონის მიხედვით, უფასო იურიდიული მომსახურების გაწევა პარლამენტის წევრის და იურისტის მიერ, რომლის პირდაპირ საქმიანობაშიც ეს შედის, არანაირად არ არის ამომრჩევლის მოსყიდვა, არანაირი მატერიალური ღირებულების სამსახური ეს არ არის. აქედან გამომდინარე, ეს ინტერპრეტაცია არასწორია. ეს არ არის მთავარი საკითხი, რადგან იქ აღწერილ დარღვევებს შორს ეს არის ალბათ, მეათასეხარისხოვანი. ამიტომ მნიშვნელოვანია, ვფოკუსირდეთ იმაზე, რაც მართლა სეროზული პრობლემაა. კერძოდ, იმაზე, რომ ივანიშვილი და მისი ხელისუფლება მართლა მილიონობით ლარს ხარჯავს და კიდევ დახარჯავს მოსყიდვაში. ამიტომ, ამის შედარება კონკრეტული დეპუტატის მიერ უფასო იურიდიულ კონსულტაციასთან, უბრალოდ სასაცილოა“, - აცხადებს კაპანაძე.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)