რომან გოცირიძის შეფასებით, მე-9 მოწვევის პარლამენტის სიმბოლო ლარის კურსი და გავრილოვია

ფრაქცია „ნაციონალური მოძრაობის” თავმჯდომარე რომან გოცირიძე მე-9 მოწვევის პარლამენტს აფასებს როგორც „მორჩილ ადამიანთა გუნდს”.

გოცირიძის განცხადებით, მოქმედი პარლამენტის სიმბოლო ლარის კურსი და გავრილოვია.

„4 წლის წინ ლარი იყო 2.3. დღეს არის 3.3. 4 წლის განმავლობაში ამ ხელისუფლებამ ყოველი ორი ლარიდან ერთი ლარი მოპარა ხალხს. გააღარიბა და გააღატაკა. ამ პარლამენტის მეორე სიმბოლო არის გავრილოვი. ამ დარბაზიდან, კარიდან შემოვიდა და მეორე კარიდან მოხდა მისი გაპანღურება.

გავრილოვის გაძევებამ გამოიწვია ქვეყანაში საყოველთაო მობილიზაცია, რომელმაც საბოლოოდ უზრუნველყო ქვეყნის გადასვლა პროპორციულთან მიახლოებულ საარჩევნო სისტემაზე, რომელიც გახდება ამ ქვეყანაში სასიკეთო ცვლილებების საფუძველი. ერთი სიტყვით როგორ შეიძლება შეფასდეს პარლამენტი - მორჩილ ადამიანთა გუნდი, აგრესიული საკონსტიტუციო უმრავლესობა, რომელიც დაიშალა და დღეს მისი ნამსხვრევები შემორჩა. ადამიანები, რომლებიც ბოლომდე მონა-მორჩილნი დარჩნენ ერთი არაფორმალური მმართველისა და ადამიანებს, ვისაც ჰქონდა ღირსება, გადაირჩინეს რეპუტაცია და არ იმყოფებიან მათთან ერთად. ეს არის პარლამენტი, რომელმაც დაამტკიცა უღირსი მოსამართლეები. პარლამენტი, რომლის ფუნქცია იყო ბიძინა ივანიშვილის დავალებების სამართლებრივი გაფორმება და ღილაკზე ხელის დაჭერა. იმედი უნდა ვიქონიოთ, რომ ასეთი პარლამენტი საქართველოს თავის ისტორიაში აღარ ეყოლება”,- განაცხადა გოცირიძემ.

როგორც ის აღნიშნავს, მიმდინარე მოწვევის პარლამენტში ოპოზიცია იყო „ბარიერი, რომელიც პარლამენტს ხელს უშლიდა მორიგი ანტისახელმწიფოებრივი ქმედებების განხორციელებაში”.

„რაც შეგვეძლო გავაკეთეთ. ყველაზე დიდი მიღწევა ჩვენი საზოგადოების, მათ შორის ახალგაზრდების პროტესტისა არის ის, რომ ქვეყანას ეძლევა შანსი უმტკივნეულოდ შეცვალოს ხელისუფლება იმ საარჩევნო სისტემის საფუძველზე, რომელიც იქნა მიღებული ამ პარლამენტის მიერ”,- განაცხადა გოცირიძემ.

იხილეთ ვიდეო: მეცხრე მოწვევის დეპუტატები პარლამენტის საქმიანობას აფასებენ

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა