რომან გოცირიძე - ქართველი ხალხი გაყალბებულ არჩევნებს არ აღიარებს - არაღიარებული არჩევნები რას ნიშნავს, კარგად იცის საქართველოს ხელისუფლებამ, შეხედოს, რა ხდება ბელარუსში

საპარლამენტო ფრაქცია „ნაციონალური მოძრაობის” თავმჯდომარის, რომან გოცირიძის განცხადებით, ხელისუფლების მიზანია ძალადობის გზით არა მხოლოდ პოლიტიკური აქტივისტების, არამედ იმ რიგითი მოქალაქეების დაშინება, ვინც შესაძლოა, მათი მხარდამჭერი არ იყოს.

როგორც გოცირიძემ ჟურნალისტებს განუცხადა, საქართველოს ხელისუფლებას არჩევნების არადემოკრატიულად ჩატარებას არც ამომრჩეველი და არც საერთაშორისო საზოგადოება არ აპატიებს.

„ეს ხომ გვინახავს, არაფერი სიახლე არ არის. გავიხსენოთ წინა არჩევნები - მარნეული, კორცხელი. ეს არის ერთიდაიგივე სცენარი. ასე იწყებს ხელისუფლება. ძალადობა, რომლის მთავარი მიზანი არის მოქალაქეების დაშინება, არა მხოლოდ იმ აქტივისტების დაშინება, რომელზეც ხორციელდება თავდასხმა, არამედ ყველა იმ ადამიანის დაშინება, რომელიც შესაძლებელია ხელისუფლებას მხარს არ უჭერდეს. ეს არიან მასწავლებლები, საჯარო სამსახურში დაკავებული ადამიანები, ეს არიან ის ადამიანები, აქვთ სამუშაო და ეშინიათ სამუშაოს დაკარგვის. მეორე ეტაპი არის მოსყიდვა და მთავრდება საარჩევნო უბნებზე კრიმინალური ელემენტების დაყენებით.

არავინ აპატიებს საქართველოს ხელისუფლებას არჩევნების არადემოკრატიულად ჩატარებას.

ამის შედეგი იქნება ის, რომ ქართველი ხალხი გაყალბებულ არჩევნებს არ აღიარებს. არაღიარებული აჩევნები კი რას ნიშნავს, ძალიან კარგად იცის საქართველოს ხელისუფლებამ და შეხედოს, რა ხდება ბელარუსში“, - განაცხადა გოცირიძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა