ანრი ოხანაშვილი - ხელისუფლებას აქვს პასუხისმგებლობა არჩევნების მშვიდობიანად წარმართვისთვის, თუმცა ეს არ ათავისუფლებს პოლიტიკურ ოპონენტებს, რომ არ დაიცვან კანონი

ხელისუფლებას აქვს პასუხისმგებლობა არჩევნების მშვიდობიანად წარმართვისთვის, თუმცა ეს არ ათავისუფლებს პოლიტიკურ ოპონენტებს, რომ არ დაიცვან კანონი,- ამის შესახებ იურიდიულ საკითხთა კომიტეტის თავმჯდომარემ ანრი ოხანაშვილმა ჟურნალისტებს მარნეულში „ქართული ოცნებისა” და „ნაციონალური მოძრაობის” აქტივისტების დაპირისპირების თაობაზე განუცხადა.

როგორც ის აღნიშნავს, „ქართული ოცნების” რეიტინგებიდან გამომდინარე, პროვოკაციები მოსალოდნელი იყო.

„ჩვენ შევქმენით პლატფორმა, კანონმდებლობა, ვიცავთ წესებს, რომ დემოკრატიული სტანდარტების შესაბამისად ჩავატაროთ არჩევნები. სამწუხაროდ, ამ ყველაფერში არ აგვიბეს მხარი და ოპოზიციური ჯგუფები არ იცავენ ამ წესებს. განსაკუთრებით „ნაციონალური მოძრაობა” და მისი სატელიტები.

ყველა ფაქტზე, განსაკუთრებით ჟურნალისტებთან მიმართებით პროფესიული საქმიანობის განხორციელების დროს, აუცილებლად უნდა წარიმართოს შესაბამისი პროცედურა და შესაბამისმა უწყებებმა ყველაფერს პასუხი უნდა გასცენ”,- განაცხადა ოხანაშვილმა.

მისი თქმით, ოპონენტებს თანაბარ კონკურენციაში შესვლის უნარი არ აქვთ და ისინი პროვოკაციებსა და ძალადობას ეცდებიან.

„როგორ უნდა აღიკვეთოს პროვოკაცია, როდესაც „ქართული ოცნების” ოფისის წინ მიდიან, აგინებენ, ემუქრებიან და ძალადობენ „ქართული ოცნების” აქტივისტებზე.

მიუხედავად ამისა ჩვენს აქტივისტებს მოვუწოდეთ, არ აყვნენ არცერთ პროვოკაციას. იქნება უამრავი პროვოკაცია. ამას ჩვენ ვაანონსებდით ბევრად ადრე, ვიდრე წინასაარჩევნო კამპანია დაიწყებოდა. ვინაიდან, ყველა გამოკითხვით „ქართული ოცნების” რეიტინგი აღემატება ყველა ოპოზიციური პარტიის რეიტინგს ერთად აღებულს, ამიტომ კრიმინალური ოპოზიციური ჯგუფები, როდესაც მათ არ აქვს თანაბარ კონკურენციაში შესვლის უნარი, ეცდებიან პროვოკაციებს, მუქარას და ძალადობას“, - განაცხადა ოხანაშვილმა.

ამასთან, ოხანაშვილი ოპონენტებს მაჩანჩალებს უწოდებს და აცხადებს, რომ ისინი მმართველი გუნდის დღის წესრიგს ვერ მიყვებიან.

ცნობისთვის, მარნეულში გუშინ “ქართული ოცნებისა” და “ნაციონალური მოძრაობის” წარმომადგენლები ერთმანეთს დაუპირისპირდნენ. მომხდარი დაპირისპირებისას დაშავდნენ „ნაციონალური მოძრაობის“ წარმომადგენლები. ფიზიკური შეურაცხყოფა მიაყენეს „მთავარი არხის“ ჟურნალისტს და „პირველი არხის“ ოპერატორს, ასევე დაუზიანეს კამერები. მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.

ამასთან, მომხდარზე პასუხისმგებლობას ოპონენტები “ქართულ ოცნებას” აკისრებენ და აცხადებენ, რომ მმართველი გუნდის ვალდებულებაა, ქვეყანაში სიმშვიდე უზრუნველყოს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 19.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)