ოკუპირებული აფხაზეთის სომხური თემი მთიანი ყარაბაღის მოსახლეობას ფინანსურად დაეხმარება, - ამის შესახებ „სპუტნიკს“ თემის თავმჯდომარემ გალუსტ ტრაპიზონიანმა განუცხადა.
მისი თქმით, ამ საკითხთან დაკავშირებით აფხაზეთის რაიონებში თემებთან შეხვედრები გაიმართება.
„არცახში მოხალისეები არ სჭირდებათ. იქ ისედაც საკმარისად არიან მოხალისეები, ხოლო მატერიალური სახსრები დროთა განმავლობაში იწურება. ძმებისთვის ფინანსური დახმარების გაწევა ჩვენი ვალია“ - განაცხადა ტრაპიზონიანმა.
ცნობისთვის, კონფლიქტის ესკალაცია 27 სექტემბერს დაიწყო. ვითარების გამწვავებაზე აზერბაიჯანი და სომხეთი პასუხისმგებლობას ერთმანეთს აკისრებენ.