გასული დღე-ღამის განმავლობაში ოკუპირებულ „სამხრეთ ოსეთში“ კორონავირუსზე 36 ტესტი ჩატარდა, რის შედეგადაც ორი დადებითი პასუხი დაფიქსირდა. ამის შესახებ სააგენტო „რესი“ ე.წ. მთავარ სანიტარულ ექიმზე მარინა კოჩიევაზე დაყრდნობით იუწყება.
მისი თქმით, ამ დროისთვის საავადმყოფოში სულ ექვსი ადამიანი მკურნალობს.
ამასთან, აღსანიშნავია, რომ მარინა კოჩიევა კორონავირუსით არის დაინფიცირებული და მუშაობის დისტანციურ რეჟიმზეა გადასული.
მისი ინფორმაციით, 1 ოქტომბრის მონაცემებით, ე.წ. სამხრეთ ოსეთში კორონავირუსის სულ 102 შემთხვევაა გამოვლენილი, რუსეთთან ე.წ. საზღვრის გახსნის შემდეგ - 12.
მთლიანად ოკუპირებულ რეგიონში, აპრილიდან დღემდე 5.5 ათასი ტესტი ჩატარდა.