არჩილ თალაკვაძე - "ნაციონალური მოძრაობის" სიაში ბევრი დაზიანებული ადამიანია, რომელმაც გადამწყვეტ მომენტში ზურგი შეაქცია მოქალაქეებს და სამშობლოს

საქართველოს პარლამენტის თავმჯდომარის, არჩილ თალაკვაძის შეფასებით, “ნაციონალური მოძრაობის” მიერ წარმოდგენილი პარტიული სია “დაზიანებული ადამიანებისგან” შედგება.

თალაკვაძის განაცხადებით, სიაში არიან ადამიანები, რომლებმაც გადამწყვეტ მომენტში ზურგი შეაქციეს სამშობლოს და ქართველ ხალხს.

“მე ვერ გეტყვით საერთო ჯამში, ვინ რა ადგილას არის და რა ნიშნით იყო ეს სია ფორმირებული, მაგრამ ერთი რამ კი ცხადია, რომ ამ სიაში არის ძალიან ბევრი დაზიანებული ადამიანი, რომელმაც ყველაზე გადამწყვეტ მომენტში ზურგი შეაქცია თავის მოქალაქეებს, ზურგი შეაქცია თავის სამშობლოს და მათ ძალიან მძიმე ბიოგრაფიები მოჰყვებათ უკან. ასევე, გაუგებარია, თუ რა აკავშირებთ ამ ადამიანებს ერთმანეთთან და კიდევ უფრო გაუგებარია ამ სიაში ზოგიერთი ადამიანი, რა ნიშნით დადგა იმ დამნაშავე პოლიტიკური პარტიის და ძველი კრიმინალური ოპოზიციის გვერდით, რასაც ჰქვია “ნაციონალური მოძრაობა”. დარწმუნებული ვარ, რომ ამას ჩვენი მოქალაქეები სათანადო შეფასებას მისცემენ, ჩვენ კი ორიენტირებული ვართ მომავალზე და ნაკლები დრო გვაქვს გავარჩიოთ “ნაციონალური მოძრაობის” პოლიტიკური სია”, - განაცხადა თალაკვაძემ.

ცნობისთვის, “ნაციონალურმა მოძრაობამ” პარტიული სია წარადგინა. სიის პირველი ნომერი ბუბა კიკაბიძეა. პარტიულ სიაში ასევე არიან: გრიგოლ ვაშაძე, ნიკა მელია, ხატია დეკანოიძე, კობა ნაყოფია, დევი ჭანკოტაძე, ლევან ვარშალომიძე, სალომე სამადაშვილი, ზაალ უდუმაშვილი, ხათუნა სამნიძე.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს