დავით ზალკალიანი - აზერბაიჯანსა და სომხეთს შორის დაპირისპირების შედეგად რთული ვითარებაა შექმნილი, ვითარების შემდგომი ესკალაცია ნეგატიურ გავლენას იქონიებს რეგიონის უსაფრთხოებაზე

საქართველოს საგარეო საქმეთა მინისტრის დავით ზალკალიანის განცხადებით, სომხეთსა და აზერბაიჯანს შორის ვითარების შემდგომი ესკალაცია ძალიან ნეგატიურ გავლენას იქონიებს მთლიან რეგიონზე.

ზალკალიანმა საერთაშორისო თანამეგობრობასა და მინსკის ჯგუფის თანათავმჯდომარეებს მოუწოდა, მაქსიმალურად გამოიყენონ მათ ხელთ არსებული ყველა შესაძლებლობა ვითარების დეესაკალაცისთვის. ამის შესახებ დავით ზალკალიანმა ეროვნული უსაფრთხოების საბჭოს სხდომის დასრულების შემდეგ განაცხადა.

„აზერბაიჯანსა და სომხეთს შორის მორიგი სამხედრო დაპირისპირების შედეგად, შექმნილია უაღრესად რთული ვითარება. სამწუხაროდ, საომარი მოქმედებების გამო, ვერ ხერხდება დიალოგის განახლება. ყველას კარგად გვესმის, რომ ვითარების შემდგომი ესკალაცია უაღრესად ნეგატიურ გავლენას იქონიებს მთელი რეგონის უსაფრთხოებაზე. ჩვენ ვმოქმედებდით, ვმოქმედებთ და მომავალშიც ვიმოქმედებთ ჩვენი კეთილმეზობლური ურთიერთობებიდან გამომდინარე და საქართველო ყოველთვის იყო და არის ერთგული ჩვენი ვალდებულებების როგორც მეზობლების, ისე საერთაშორისოდ აღებული ვალდებულებების მიმართ. როგორც უკვე მოგეხსენებათ, აზერბაიჯანსა და სომხეთს შორის მიმდინარე სამხედრო მოქმედებების გამო, საქართველოს მთავრობამ ესკალაციის დაწყებისთანავე, გადადგა მნიშვნელოვანი ქმედითი ნაბიჯები, ერთ- ერთი მნიშვნელოვანი ნაბიჯი ამ მიმართულებით არის ის, რომ დროებით შეაჩერა ნებართვების გაცემა საკუთარ ტერიტორიაზე სახმელეთო და საჰაერო მარშრუტებით სამხედრო ტვირთების გატარებაზე ორივე ქვეყნის მიმართულებით და ამის თაობაზე ჩვენი პარტნიორები ინფორმირებულები იყვნენ, ჩვენ მუდმივად ვართ მათთან კონტაქტზე. რაც შეეხება ნებისმიერ სხვა საერთაშორისო სატრანზიტო გადაზიდვებს, ქართლი მხარე სრულიად ასრულებს საერთაშორუისო ვალდებულებებს,“- განაცხადა ზალკალიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024