საქართველოში კორონავირუსით გარდაცვლილი ორი პაციენტიდან ერთი ბათუმის რესპუბლიკურ საავადმყოფოში მკურნალობდა.

90 წლის მამაკაცი კლინიკაში კოვიდ 19-ის დიაგნოზით 22 სექტემბერს მოათავსეს.

ექიმების ინფორმაციით, მამაკაცს სხვა თანმხლები დაავადებებიც აღენიშნებოდა და მისი ჯანმრთელობის მდგომარეობა მძიმე იყო.

" 1 პაციენტი 90 წლის კაცი გარდაიცვალა, სასწრაფო სამედიცინო დახმარების ბრიგადამ პაციენტი ბათუმის რესპუბლიკურ საავადმყოფოში 22.09.2020 შეიყვანა.

დიაგნოზით COVID -19, პნევმონია, სუნთქვის მწვავე უკმარისობა, არტერიული ჰიპერტენზია, ტვინის ინფარქტი.

პაციენტის მდგომარეობა კლინიკაში შეყვანისთანავე შეფასდა რთულად. პაციენტს ანამნეზში აღენიშნებოდა: პარკინსონის დაავადება.

კლინიკაში გატარდა ყველა შესაბამისი ღონისძიება, თუმცა თანმდევი დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა. პაციენტი გარდაიცვალა 03.10.2020",- განაცხადეს აჭარის ჯანდაცვის სამინისტროში.