ექიმის განცხადებით, ბათუმის სამშობიარო სახლში კორონავირუსით ინფიცირებული 2 ორსულის მდგომარეობა საყურადღებოა
ბათუმის სამშობიარო სახლში კორონავირუსით ინფიცირებული 18 ფეხმძიმე მკურნალობს.
როგორც კლინიკის ექიმი ნუგზარ პაპავა "ინტერპრესნიუსთან" საუბრისას აცხადებს, ორი ფეხმძიმე ქალის მდგომარეობა საყურადღებოა, რადგან მათ პნევმონია, სუნთქვის უკმარისობა და ტემპერატურა აღენიშნებათ.
ექიმის თქმით, კლინიკაში სულ 3 ახალშობილია, მათ შორის ორს კორონავირუსი აქვს.
"ორი პაციენტის ჯანმრთელობის მდგომარეობა საყურადღებოა, რადგან სუნთქვის უკმარისობა, პნევმონია და ტემპერატურა აღენიშნებათ. ქალბატონები 20 და 24 კვირის ფეხმძიმეები არიან. კლინიკაში სულ სამი ახალშობილია", - განაცხადა ნუგზარ პაპავამ.
