ექიმის განცხადებით, ბათუმის რესპუბლიკურ საავადმყოფოში კორონავირუსით ინფიცირებული 24 პაციენტი რეანიმაციაშია მოთავსებული
ბათუმის რესპუბლიკურ საავადმყოფოში კორონავირუსით ინფიცირებული 164 პაციენტი მკურნალობს.
როგორც კლინიკის ექიმი გია კიკაბიძე აცხადებს, ყველა მათგანს სხვადასხვა ხარისხის პნევმონია აღენიშნება.
მისი ინფორმაციით, კლინიკაში მოთავსებული ხუთი კოვიდინფიცირებული პაციენტის მდგომარეობა კრიტიკულად მძიმეა.
"რეანიმაციულ განყოფილებაში 24 პაციენტი გვყავს მოთავსებული, მათ მუდმივ რეჟიმში ჟანგბადი მიეწოდებათ. ზოგადად კლინიკაში მოთავსებულებს სხვადასხვა ხარისხი პნევმონია აღენიშნებათ, მათ ყველა საჭირო სამედიცინო პროცედურა უტარდებათ", - განაცხადა კიკაბიძემ.
