"ერთიანი ნაციონალური მოძრაობის" ერთ-ერთი ლიდერის, ლევან ვარშალომიძის განცხადებით, კორონავირუსი მის მამას დაუდასტურდა.

როგორც ლევან ვარშალომიძემ სოციალურ ქსელში გავრცელებულ განცხადებაში განმარტა, პრევენციის მიზნით კორონავირუსზე ლაბორატორიული კვლევა თავადაც ჩაიტარა და უარყოფითია.

რაც შეეხება ლევან ვარშალომიძის მამას, იგი რეანიმაციულ განყოფილებაშია მოთავსებული.

"გუშინ კოვიდი დაუდასტურდა მამაჩემს, რომელიც რამოდენიმე დღე ბათუმის საავადმყოფოში რეანიმაციულ განყოფილებაშია. გამომდინარე აქედან, დღეს გავიკეთე ტესტი, ტესტის პასუხი უარყოფითი გახლავთ.

ამიტომ დისტანციისა და ჰიგიენის ნორმების მკაცრი დაცვით ვაგრძელებთ საარჩევნო კამპანიას.

არ ავყვეთ პანიკას და მოვუფრთხილდეთ ერთმანეთს. შევხვდებით არჩევნებზე, 31 ოქტომბერს",- ნათქვამია ლევან ვარშალომიძის განცხადებაში.

იხილეთ ვიდეო: კოვიდი დაუდასტურდა მამაჩემს, გავიკეთე ტესტი, პასუხი უარყოფითია - ლევან ვარშალომიძე