იოსებ ხახალეიშვილმა თანაქალაქელ ებრაელებს როშ ჰაშანას და სუქოთის დღესასწაულები მიულოცა

"ქართული ოცნება - დემოკრატიული საქართველოს" ქუთაისის მერობის კანდიდატი იოსებ ხახალეიშვილი და მაჟორიტარობის კანდიდატი ზაზა ლომინაძე ებრაული სათვისტომოს წარმომადგენლებს შეხვდნენ და დიდი ებრაული დღესასწაულები - როშ ჰაშანა და სუქოთი მიულოცეს.

ამის შესახებ "ინტერპრესნიუსს" პარტია "ქართული ოცნების" პრესსამსახურიდან აცნობეს.

როგორც შეხვედრაზე ხახალეიშვილმა აღნიშნა, ქუთაისში განსაკუთრებით თვალსაჩინოა ქართველებისა და ებრაელების სიყვარული და მეგობრობა.

"მინდა ჩემს ებრაელ ძმებსა და დებს მოგილოცოთ როშ ჰაშანას ახალი 5781 წელი და სუქოთის დღესასწაული, რომელიც ებრაელთა ერად ჩამოყალიბების დღესასწაულია. ქართველი და ებრაელი ხალხის მეგობრობა 26 საუკუნეს ითვლის. იმ დროიდან მოყოლებული, რაც ბაბილონის ტყვეობის შემდეგ ნაბუქოდონოსორისაგან დევნილ ებრაელთა ნაწილი საქართველომ შეიფარა, ჩვენს მოძმე ებრაელებს არასოდეს უგრძვნიათ თავი უცხოდ ამ მიწაზე. უფრო მეტიც, ქართველ ხალხს იმდენად შეეთვისეთ და შეეხმატკბილეთ, რომ საკუთარ ეროვნებას ჩვენი ეროვნებაც ზედ დაურთეთ და "ქართველ ებრაელებად" იწოდებით. საუკუნეების მანძილზე თვალისჩინივით უფრთხილდებოდით ორივე ერის სახელსა და ღირსებას. მრავალი განსაცდელის ჟამს თქვენ მთელ მსოფლიოს ანცვიფრებდით თქვენი მეორე სამშობლოს მკვიდრებთან ძმური თანაცხოვრებითა და მასპინძლების დიდსულოვნებით.

ქუთაისში განსაკუთრებით თვალსაჩინოა ქართველებისა და ებრაელების სიყვარული და მეგობრობა, ჩვენი ებრაელი ძმები თავიანთი მოღვაწეობით ჩვენი ქალაქის განვითარებისა და მომავლისათვის ისევე ზრუნავდნენ, როგორც ქართველები. დაე, სამარადისოდ გაგრძლდეს ჩვენი ასეთი უზადო ურთიერთობა“, - მიმართა იოსებ ხახალეიშვილმა ებრაელ თანაქალაქელებს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს