"ქართული ოცნება - დემოკრატიული საქართველოს" მესტიის, ლენტეხის, ცაგერის, ონისა და ამბროლაურის მაჟორიტარი და მაჟორიტარი დეპუტატობის კანდიდატი, გოჩა ენუქიძე დღეს ონის მუნიციპალიტეტში, უწერის თემის მოსახლეობას შეხვდა.

ამის შესახებ „ინტერპრესნიუსს“ პარტია „ქართული ოცნება - დემოკრატიული საქართველოდან" აცნობეს.

მაჟორიტარი დეპუტატობის კანდიდატმა მოსახლეობასთან რეგიონის განვითარების გეგმებზე ისაუბრა.

"ზემო რაჭის სოფლების გაძლიერება პირდაპირ კავშირშია ტურიზმისა და ეკონომიკური საქმიანობის სათანადო განვითარებასთან, ამიტომ შესაბამისი ინფრასტრუქტურის მოწყობით ეს პროცესი შეუქცევადად უნდა ვაქციოთ“, - განაცხადა გოჩა ენუქიძემ.