აჭარაში 24 საათის განმავლობაში კორონავირუსით ინფიცირებული 355 პაციენტი გამოჯანმრთელდა.

უწყების ცნობით, აჭარის Covid კლინიკებში 474 პაციენტი მკურნალობს, აქედან 16 არასრულწლოვანი და 20 ორსულია.

„რეანიმაციაში მოთავსებულია 24 პაციენტი, თავისუფალი საწოლები კი 40 არის. Covid სასტუმროებში 861 პაციენტია, მათ შორის 82 არასრულწლოვანი.

აჭარაში ბინაზე 1000-ზე მეტი პირი იმყოფება, რომლებიც ექიმების მეთვალყურეობის ქვეშ არიან. აჭარაში კორონავირუსით ინფიცირებული პაციენტების მართვაში ჩართულია 9 სამედიცინო დაწესებულება (კოვიდ კლინიკა, ცხელების ცენტრი). რეგიონში მობილიზებულია 600-ზე მეტი საწოლი.

კოვიდ დადებითი პაციენტებისთვის გამოყოფილია 7 საკარანტინო სივრცე",- განაცხადეს უწყებაში.