ბათუმის სამშობიარო სახლის ინფორმაციით, კორონავირუსით ინფიცირებული 21 ორსულიდან ორის მდგომარეობა საყურადღებოა
ბათუმის სამშობიარო სახლში მოთავსებული, კორონავირუსით ინფიცირებული 21 ორსულიდან ორის მდგომარეობა საყურადღებოა. როგორც სამშობიარო სახლში "ინტერპრესნიუსს" განუცხადეს, ორივე ორსულს პნევმონია აღენიშნება.
ექიმის თქმით, კლინიკაში ასევე კორონავირუსით ინფიცირებული ორი ახალშობილი იმყოფება.
„სულ 21 პაციენტი გვყავს, ასევე ორი ახალშობილია ინფიცირებული. ორი ორსულის მდგომარეობა არის საყურადღებო, თუმცა დინამიკა უკეთესობისკენ მიდის. ორივეს პნევმონია აქვს, სხვა სიმპტომები დალაგდა“, - აცხადებენ კლინიკაში.
