ჩვენ შევძლებთ ფორმირებას ისეთი კოალიციის, სადაც „ლელო“ იქნება წარმმართველი ძალა და აქვე გეტყვით, რომ არც ბიძინა ივანიშვილის და არც მიხეილ სააკაშვილის პრემიერობას ჩვენ მხარს არ დავუჭერთ, - ამის შესახებ „ლელოს“ ლიდერმა მამუკა ხაზარაძემ „პალიტრანიუსის“ გადაცემა „პოლიტ-ქალაქში“ განაცხადა.
მისივე თქმით, საქართველოს პარლამენტში ახალი ძალები იქნება წარმოდგენილი და სწორედ ეს იქნება შანსი მრავალპარტიულობის.
„მთავრობა აუცილებლად კოალიციური იქნება, ჩვენ ვიქნებით კოალიციის წამმართველი ძალა აუცილებლად და ვისთან შევქმნით კოალიციას, გეტყვით რომ ეს იქნება პროდასავლური ძალები, მაგრამ კონკრეტულად ვისთან იქნება ამას არჩევნების შემდეგ მოგახსენებთ. დღეს ამაზე საუბარი პოლიტიკურად არ არის სწორი“, - განაცხადა მამუკა ხაზარაძემ.
ხაზარაძემ აღნიშნა, რომ „ლელო“ ქვეყნის ინტერესების შესაბამისად იმოქმედებს.