ბესიკ დანელია პროკურატურას მოუწოდებს, გორში სასმელი წყლით ადამიანების მოწამვლის ფაქტზე მყისიერად აღძრას სისხლის სამართლის საქმე

„ერთიანი საქართველოს“ პოლიტსაბჭოს წევრის ბესო დანელიას განცხადებით, გორში სასმელი წყლით ადამიანების მოწამვლის ფაქტი ადასტურებს, რომ უპასუხისმგებლო ხელისუფლება საფრთხის ქვეშ აყენებს მოქალაქეების ჯანმრთელობას და სიცოცხლეს.

ბესიკ დანელია პროკურატურას მოუწოდებს, პასუხისმგებელი პირების წინააღმდეგ სამსახურებრივი უფლებამოსილების შესაძლო ბოროტად გამოყენების გამო, სისხლის სამართლის საქმე აღიძრას.

„გორში ასობით სკოლის მოსწავლე, ასობით არასრულწლოვანი და ზრდასრული ადამიანია გადაყვანილი სტაციონარებში ხელისუფლების დანაშაულებრივი ქმედების გამო. გორის მოსახლეობა მასიურად იწამლება სასმელი წყლით და ამ დრომდე არავითარი ქმედებები და პრევენციული ღონისძიებები არ არის გატარებული. სამედიცინო დაწესებულებები მოწამლულთა მიღებას ვეღარ აუდიან. ქვეყანაში შექმნილი უმძიმესი სოციალური ვითარების და პანდემიური მდგომარეობის ფონზე ჩვენი მოქალაქეების მასიურად სასმელი წყლით მოწამვლა კიდევ ერთხელ ნათელს ხდის იმ ფაქტს, რომ ასეთი არაეფექტური, არაპროფესიონალი, უუნარო და დანაშაულებრივი ხელისუფლება, მისი უშინაარსო პოლიტიკით დღითიდღე აუტანელს ხდის საქართველოს მოქალაქეების ყოფას და საფრთხის ქვეშ აყენებს ჩვენს ჯანმრთელობას და უსაფრთხოებას.

მოვუწოდებ გენერალურ პროკურატურას, მყისიერად დაიწყოს მოკვლევა და პასუხისმგებელი პირების წინააღმდეგ აღძრას სისხლის სამართლის საქმე სამსახურებრივი უფლებამოსილების ბოროტად გამოყენების გამო!“, -აცხადებს „ერთიანი საქართველოს“ პოლიტსაბჭოს წევრი ბესიკ დანელია.

ინფორმაციას პარტიის პრესსამსახური ავრცელებს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს