ილია მეორეს თბილისის სასულიერო აკადემიის საპატიო დოქტორის წოდება მიენიჭა
თბილისის სასულიერო აკადემიისა და სემინარიის სამეცნიერო საბჭოს გადაწყვეტილებით უწმინდესსა და უნეტარესს, სრულიად საქართველოს კათოლიკოს-პატრიარქსა და მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს - ილია მეორეს თბილისის სასულიერო აკადემიის საპატიო დოქტორის (ჰონორის კაუზა) წოდება მიენიჭა. აღნიშნულ ინფორმაციას სასულიერო აკადემია ავრცელებს.
„ეს, რა თქმა უნდა, სიმბოლური აქტი იყო, რითაც სასულიერო აკადემია-სემინარიის რექტორმა, პროტოპრესვიტერმა გიორგი ზვიადაძემ, პროფესორ-მასწავლებლებმა და სტუდენტებმა უწმინდესისა და უნეტარესის მიმართ მადლიერება გამოხატეს მისი მრავალმხრივი დამსახურებისათვის ერისა და ეკლესიის წინაშე.
უწმინდესისა და უნეტარესისათვის თბილისის სასულიერო აკადემიის საპატიო დოქტორის (ჰონორის კაუზა) წოდების მინიჭების ცერემონიალი შესავალი სიტყვით გახსნა თბილისის სასულიერო აკადემიისა და სემინარიის რექტორმა, პროტოპრესვიტერმა გიორგი ზვიადაძემ, რომელმაც მოკლედ დაახასიათა საქართველოს ეკლესიის მეთაურის ხანგრძლივი, მრავალმხრივი და თავდაუზოგავი ღვაწლი და უწმინდესს გადასცა საპატიო ჯილდო”,- ნათქვამია ინფორმაციაში.
v-if="article.gallery" v-html="article.gallery"
